ایران نے کہا ہے کہ اگر اسرائیل کے وزیراعظم بنجمن نیتن یاہو زندہ ہے تو وہ انہیں ڈھونڈے گا اور انہیں قتل کر دے گا۔ ایران کی انقلابی گارڈز (IRGC) نے کہا، اگر یہ بچوں کا قاتل مجرم زندہ ہے تو ہم پوری طاقت سے اس کا پیچھا کرتے رہیں گے اور اسے مار ڈالیں گے۔یہ بیان ایسے وقت میں سامنے آیا ہے جب سوشل میڈیا پر نیتن یاہو کی موت کے بارے میں افواہیں گردش کر رہی ہے ۔ تاہم، اسرائیل نے ان افواہوں کی تردید کی ہے۔
نیتن یاہو کے مبینہ AI ویڈیو کے بعد بہت سی قیاس آرائیاں:
IRGC کی یہ دھمکی اس وقت سامنے آئی ہے جب سوشل میڈیا پر نیتن یاہو کے بارے میں سوالات اٹھائے جا رہے ہیں۔ خبروں کے مطابق، انہیں گزشتہ چند دنوں سے عوامی طور پر نہیں دیکھا گیا ہے۔ کئی صارفین نے ان کے حالیہ ویڈیوز پر شک ظاہر کیا ہے، جن میں ایسا لگ رہا تھا کہ ان کے ایک ہاتھ میں 6 انگلیاں ہیں۔ صارفین کا کہنا ہے کہ یہ ویڈیوز مصنوعی ذہانت (AI) کا استعمال کر کے بنائی گئی ہیں۔
نیتن یاہو کے مارے جانے کی افواہیں کیوں پھیل رہی ہیں؟
2 مارچ کو ایران کی IRGC نے دعویٰ کیا تھا کہ اس نے نیتن یاہو کے دفتر کو نشانہ بنایا تھا۔ اس کے بعد افواہیں پھیلنے لگیں کہ نیتن یاہو اس حملے میں مارے گئے۔ تاہم، 3 مارچ کو نیتن یاہو نے فاکس نیوز کو ایک انٹرویو دیا۔ 13 مارچ کو انہوں نے پریس کانفرنس کی، جسے AI ویڈیو ہونے کے دعوے کیے جا رہے ہیں۔ حال ہی میں ایک اہم کابینہ کے اجلاس سے بھی نیتن یاہو غیر حاضر رہے۔
ایران-امریکہ-اسرائیل جنگ کا 16واں دن :
آج ایران-امریکہ-اسرائیل جنگ کا 16واں دن جاری ہے۔ یہ جنگ 28 فروری 2026 کو شروع ہوئی تھی اور اب تک بہت تیزی سے شدت اختیار کر چکی ہے۔ ایران کے نئے سپریم لیڈر مجتبیٰ خامنہ ای نے پہلی بار عوامی بیان جاری کیا، جس میں انہوں نے واضح طور پر کہا کہ آبنائے ہرمز کو بند رکھنے کا دباؤ ایک ہتھیار کے طور پر استعمال ہوتا رہے گا۔ انہوں نے ایران کے پڑوسی ممالک سے اپیل کی کہ وہ امریکی فوجی اڈے بند کریں اور حملوں کا جواب دیتے رہیں۔ یہ ان کا پہلا بیان تھا جو سرکاری ٹی وی پر پڑھ کر سنایا گیا۔
ڈونلڈ ٹرمپ نے اس پر ردعمل دیتے ہوئے کہا ہم نے فتح حاصل کر لی ہے، لیکن ابھی کام مکمل نہیں ہوا۔ انہوں نے دنیا کے ممالک (برطانیہ، فرانس، چین وغیرہ) سے اپیل کی کہ وہ اپنے جنگی بحری جہاز بھیج کر آبنائے ہرمز کو محفوظ رکھیں اور امریکہ اس کی ہم آہنگی کرے گا۔ ٹرمپ نے خارگ جزیرہ (ایران کا اہم تیل برآمدی مرکز) پر امریکی حملے کی ویڈیو بھی جاری کی اور کہا کہ اگر ایران جہاز رانی روکنے کی کوشش کرے گا تو تیل کی تنصیبات پر مزید حملے کیے جائیں گے۔
