آپریشن سندور ‘ کے بعد سے پاکستان ہر روز سرحدی علاقوں میں بھارتی شہریوں کو گولہ باری اور ڈرون سے نشانہ بنانے کی کوشش کر رہا ہے، جس کا بھارتی فوج نے ہفتے کی صبح منہ توڑ جواب دیا۔اطلاعات کے مطابق بھارت نے جموں کے قریب پاکستانی پوسٹوں اور دہشت گردوں کے لانچ پیڈ کو تباہ کر دیا ہے۔ یہیں سے ڈرون لانچ کیے جا رہے تھے۔اطلاعات ہیں کہ بھارتی فوج کی جانب سے پاکستان کے 3 ایئربیس کو بھی نشانہ بنایا گیا ہے۔
پاکستان کے کن ایئربیس پر حملہ ہوا؟
بتایا جارہا ہے کہ بھارتی فوج نے پاکستان کی جانب سے راولپنڈی میں نور خان ایئربیس، چکوال میں مرید ایئربیس، شورکوٹ میں رفیکی ایئربیس کو نشانہ بنایا ہے۔نور خان ایئربیس سب سے محفوظ تصور کیا جاتا ہے اور اسلام آباد سے 10 کلومیٹر کے فاصلے پر واقع ہے۔ یہاں ایک فوجی ہیڈکوارٹر بھی ہے۔حکومت پاکستان نے حملوں کے بعد نیشنل کمانڈ اتھارٹی کا اجلاس بلایا ہے اور اپنی فضائی حدود کو ہر قسم کے طیاروں کے لیے بند کر دیا ہے۔
مرکزی حکومت نے بیان کیاجاری :
وزارت اطلاعات و نشریات نے ایک بیان جاری کرتے ہوئے کہا کہ پاکستان کی جانب سے بھارت پر بلا اشتعال ڈرون اور میزائل حملوں کے بعد فوجی کارروائی کی گئی۔ کشیدگی میں اضافے کے باوجود، بھارتی فضائیہ خطرات کو بے اثر کر رہی ہے اور شہریوں کی حفاظت کو یقینی بنا رہی ہے۔آپ کو بتاتے چلیں کہ پاکستان بھارت کے کئی علاقوں میں مسلسل ڈرون اور میزائل حملے کر رہا ہے اور لائن آف کنٹرول (ایل او سی) کے پار بنی پوسٹوں سے فائرنگ کر رہا ہے ۔
پاکستان نے 26 مقامات پر ڈرون فائر کئے
پاکستان نے جمعہ کی شب مسلسل دوسرے دن بھارت پر ڈرون سے حملہ کیا۔ پاکستان نے جموں و کشمیر، پنجاب اور راجستھان میں 26 مقامات پر ڈرون سے حملہ کیا، جنہیں بھارتی فوج نے مار گرایا۔گزشتہ رات ہندوستان کے کئی حصوں میں بلیک آؤٹ رہا اور لوگوں کو گھروں کے اندر رہنے کو کہا گیا۔وہیں پنجاب کے شہر فیروز پور کے گاؤں کھائی سمے میں پاکستانی ڈرون حملے میں تین افراد زخمی ہو گئے ہیں۔
بھارتی فوج نے بیان جاری کیا:
بھارتی فوج نے ایک بیان جاری کرتے ہوئے کہا کہ 'پاکستان ہماری مغربی سرحدوں پر ڈرون حملوں اور دیگر ہتھیاروں سے مسلسل حملے کر رہا ہے۔ ایسے ہی ایک واقعے میں، آج صبح تقریباً 5 بجے، خاصہ کینٹ، امرتسر پر دشمن کے کئی مسلح ڈرون اڑتے ہوئے دیکھے گئے۔ دشمن کے ڈرون کو ہمارے فضائی دفاعی یونٹس نے فوری طور پر تباہ کر دیا۔ پاکستان کی بھارت کے خلاف ناپاک کوشش اوربھارتی شہریوں کو خطرے میں ڈالنے کی کوشش نا کام رہی۔
