کے انامالائی اور بی جے پی تمل ناڈو میں الگ ہو گئے ہیں۔ بی جے پی نے انامالائی کا استعفیٰ قبول کر لیا ہے۔ بی جے پی سےعلیحدگی کے بعد، انامالائی نے نئی سیاسی پارٹی کا اعلان کیا ہے۔ اور کہا کہ ان کی تنظیم تمل ناڈو کے اگلے انتخابات میں حصہ لے گی۔ مزید برآں، انہوں نے کہا کہ وہ اور بی جے پی پچھلے 18مہینوں سے آپس میں لڑ رہے ہیں۔ انامالائی تمل ناڈو بی جے پی کے سابق سربراہ رہے چکےہیں۔
نئی سیا سی پارٹی کا اعلان
جمعہ کو، اناملائی نے باضابطہ طور پر بی جے پی چھوڑنے اور ایک نئی سیاسی تنظیم " وی دا لیڈرز" شروع کرنے کے اپنے فیصلے کا اعلان کیا۔ انہوں نے کہا کہ یہ تنظیم اگلے تامل ناڈو اسمبلی انتخابات میں حصہ لے گی۔
18 مہینوں سے جاری لڑائی ختم
ایک ویڈیو پیغام میں، کے اناملائی نے کہا کہ ان کا فیصلہ اس مشن کو آگے بڑھانے کی خواہش سے ہوا جس نے ابتدائی طور پر انہیں عوامی زندگی میں داخل ہونے کی ترغیب دی۔ انہوں نے کہا کہ وہ تمل ناڈو میں مثبت تبدیلی لانے اور لوگوں کی زندگیوں کو بہتر بنانے کے لیے بی جے پی میں شامل ہوئے، لیکن اب ایک مختلف سیاسی راستہ کا انتخاب کیا ہے۔ انہوں نے اشارہ کیا کہ بی جے پی کے ساتھ ان کے اختلافات گزشتہ 18 مہینوں سے جاری ہیں۔
انامالائی نے اس وقت بھی انکشاف کیا جب انہوں نے پہلی بار بی جے پی چھوڑنے کے بارے میں رابطہ کیا۔ انہوں نے کہا کہ انہوں نے دسمبر 2025 میں بی جے پی قیادت کو پارٹی چھوڑنے کے اپنے ارادے سے آگاہ کر دیا تھا۔ انامالائی کے مطابق، سینئر لیڈروں نے ان سے درخواست کی کہ وہ باضابطہ طور پر استعفیٰ دینے سے پہلے تمل ناڈو کے انتخابات تک پارٹی کے ساتھ رہیں۔
بی جے پی نے کیا نظر انداز!
سمجھا جا رہا ہےکہ تمل ناڈو میں سابق آئی پی ایس افسر اور بی جے پی کے پوسٹر بوائے اناملائی کو نظر انداز کر دیا گیا ہے۔ بی جے پی نے انہیں 2026 کے اسمبلی انتخابات کے لئے ٹکٹ نہیں دیا اور نہ ہی انہیں عوامی جلسوں میں حصہ لینے کی اجازت دی۔ اے آئی اے ڈی ایم کے سے اتحاد، زبان کا تنازعہ اور ٹکٹ سے انکار ان کے سیاسی مستقبل پر سوال اٹھا ر رہے تھے۔
آئی پی ایس چھوڑکرسیاست میں داخل
چار سال پہلے، ایک نیلی آنکھوں والا شخص اچانک جنوبی ہندوستان کی سیاست میں ابھرا ۔ سیاست میں آنے کے لیے آئی پی ایس کی نوکری چھوڑنے والے اس نوجوان کا بھارتیہ جنتا پارٹی نے زبردست استقبال کیا۔ صرف ایک سال کے اندر، وہ تمل ناڈو میں بی جے پی کا سب سے نمایاں چہرہ بن گئے، اور بی جے پی نے انہیں وہ مقام عطا کیا جس کے لیے بہت سے لوگ برسوں سے نچلی سطح کے کارکنوں کے طور پر کوشش کرتے ہیں۔
بی جےپی چھوڑ کر نئی پارٹی
یہ نوجوان کے۔اناملائی تھا۔ ایک سابق آئی پی ایس افسر سیاست دان بنے، انامالائی کو جنوبی ہندوستان میں پارٹی کا سب سے بڑا تجربہ سمجھا جاتا تھا، لیکن حالات تیزی سے بدل گئے اور آج وہ ایک طرف ہیں۔ تمل ناڈو بی جے پی کے ریاستی صدر کے طور پر مقرر ہونے کے ایک سال کے اندر، اناملائی کو عہدے سے ہٹا دیا گیا، اور صرف چار سال کے اندر، وہ پارٹی کی طرف سے اس قدر پسماندہ ہو گئے کہ انہیں ریاست کے سب سے بڑے تہوار یعنی 2026 کے اسمبلی انتخابات میں بھی مدعو نہیں کیا گیا۔ نتیجتاً اب انامالائی نے تمل ناڈو اسمبلی الیکشن کےبعد بی جےپی کو چھوڑدیا۔ اور اپنا راستہ الگ چن لیا۔
اب دیکھنا یہ ہے کہ کیا وہ بھی کیجریوال کی طرح کامیاب ہو سکتےہیں ۔ یا،لو ک ستہ پارٹی کے بانی جےپرکاش کی طرح گم نامی میں کہیں کھو جاتےہیں۔
پارٹی کاکوئی نقصان نہیں: بی جےپی
تمل ناڈو بی جے پی کے سربراہ نے کہا کہ انامالائی کا استعفیٰ پارٹی کے لیے "کوئی نقصان نہیں" ہے۔استعفیٰ کے بارے میں پوچھے جانے پر بی جے پی کے ریاستی سربراہ نے کہا، "بی جے پی کے لیے کوئی نقصان نہیں ہے۔ بی جے پی دنیا کی ایک بڑی پارٹی ہے۔"
