کل ہند مجلس اتحادالمسلمین (اے آئی ایم آئی ایم )کے صدربیرسٹراسد الدین اویسی نے جمعہ کو الزام لگایا کہ وزیر اعظم نریندرمودی کی اسرائیل سے محبت نظریہ پر مبنی ہے۔
یہودیوں اور آر ایس ایس کا نظریہ نفرت پر مبنی
حیدرآباد کے رکن پارلیمنٹ نے دعویٰ کیا کہ صیہونیوں اور راشٹریہ سویم سیوک سنگھ (آر ایس ایس) دونوں کا نظریہ نفرت پر مبنی ہے۔
اسرائیل کی حمایت پر تنقید کا نشانہ
اویسی نے وزیراعظم کو ان کے اس بیان پر تنقید کا نشانہ بنایا کہ ہندوستان اسرائیل کے ساتھ مضبوطی سے کھڑا ہے اور کہا کہ اسرائیل کی 'نسل کشی حکومت' کے لیے ان کی کھلی حمایت قومی مفاد میں نہیں ہے۔ یہ بتاتے ہوئے کہ اسرائیل نے غزہ میں 73,000 فلسطینیوں کا قتل عام کیا ہے، اویسی نے کہا کہ وزیر اعظم اپنی تقریر میں کہہ سکتے تھے کہ حماس غلط ہے، لیکن انہیں اسرائیلی دہشت گردی کے خلاف بات کرنی چاہیے تھی۔
مسجد چوک میں جلسہ یوم القرآن
اے آئی ایم آئی ایم کے سربراہ جمعہ کی نماز کے بعد حیدرآباد پرانے شہر کی جامع مسجد چوک میں منعقدہ جلسہ یوم القرآن سے خطاب کے دوران یہ بات کہی ۔
اسرائیل دنیا کا واحد نسل پرست ملک
بیرسٹراسد الدین نے کہا کہ اسرائیل دنیا کا واحد نسل پرست ملک ہے۔ مغربی کنارے اورغزہ کو کھلی جیل بنا دیا گیا ہے۔ صہیونیوں نے مغربی کنارے میں فلسطینیوں کے مکانات مسمارکرکے اپنے گھر بنائے ہیں۔
بین الاقوامی فوجداری عدالت نے نتین یاہو کو وارنٹ جاری کیا
اویسی نے وزیر اعظم کو یاد دلایا کہ بین الاقوامی فوجداری عدالت نے اسرائیلی وزیر اعظم بنجمن نیتن یاہو کے خلاف وارنٹ جاری کیا ہے اور وہ یورپ کا دورہ نہیں کر سکتے۔
پی ایم نے جنگی مجرم کو گلےلگانے کا انتخاب کیا
"غزہ کی نسل کشی کو ہمیشہ یاد رکھا جائے گا۔ یہ حقیقت کہ ہندوستان کے وزیر اعظم نے اس وقت اسرائیل کا دورہ کرنے اور ایک جنگی مجرم کو اپنے خلاف وارنٹ کے ساتھ گلے لگانے کا انتخاب کیا ہے، یہ فلسطینی عوام کے لیے ہندوستان کی اپنی دیرینہ حمایت کو دھوکہ دیتا ہے،" ایم پی نے پہلے ٹویٹ کیا تھا۔اویسی نے کہا کہ پوری گلوبل ساؤتھ اس بات پر فکر مند ہے کہ پی ایم مودی کیا کر رہے ہیں اور انہوں نے خبردار کیا کہ اس موقف سے بلاک میں ہندوستان کے احترام پر اثر پڑ سکتا ہے۔
صیہونیوں اور آرایس ایس کے تعلقات قدیم ہیں
رکن پارلیمنٹ نے کہا کہ صیہونیوں اور آر ایس ایس کے تعلقات بہت پرانے ہیں۔ انہوں نے الزام لگایا کہ 1960 کی دہائی میں ممبئی میں اسرائیلی قونصل جنرل جن سنگھ کے نمائندوں سے مسلمانوں سے نفرت کا حوالہ دیتے ہوئے ملاقات کرتے تھے۔اویسی نے کہا، ’’مہاتما گاندھی کے قاتل ناتھورام گوڈسے کے بھائی گوپال گوڈسے نے 1973 میں اسرائیلی قونصل جنرل سے ملاقات کی تھی اور مسلم مخالف کتاب شائع کرنے کے لیے تعاون مانگا تھا۔‘‘
فلسطین مسلمانوں کا تیسرا مقصد مقام ہے
اے آئی ایم آئی ایم لیڈر نے وضاحت کی کہ وہ فلسطین کے لیے بات کرتے ہیں کیونکہ یہ مسلمانوں کے لیے تیسرا مقدس ترین مقام ہے، اور یہ انصاف کا مسئلہ ہے۔ انصاف کا تقاضا ہے کہ اسرائیل کو تنہا کر دیا جائے۔
فلسطین کا بنگلہ دیش سے تقابل کیسے
انہوں نے کہا کہ جب اسرائیل کے ہاتھوں فلسطینیوں کے قتل عام کا معاملہ اٹھایا جاتا ہے تو کچھ لوگ بنگلہ دیش میں ہندوؤں پر ہونے والے مظالم کی بات کرتے ہیں۔"ہم نے اس کی بھی مذمت کی ہے۔
شیخ حسینہ کو واپس بھیج دیں
خاتون کو واپس بھیج دیں، اور بنگلہ دیش کے ساتھ مسئلہ حل ہو جائے گا،" انہوں نے بظاہر سابق وزیر اعظم شیخ حسینہ کا حوالہ دیتے ہوئے کہا، جو ہندوستان میں جلاوطنی کی زندگی گزار رہی ہیں۔
امریکہ کےایران پر حملہ کی تیاری پی ایم کیوں خاموش ہیں
انہوں نے پی ایم مودی سے یہ بھی پوچھا کہ امریکہ ایران پر حملہ کرنے کی تیاری کے تناظر میں جنگ کے خلاف کیوں نہیں بولا۔ ’’آپ روس جا کر کہتے ہیں کہ ہندوستان جنگ کے خلاف ہے، اب خاموش کیوں ہو؟‘‘ انھوں نے پوچھا۔
مسلمانوں پرٹارگٹ حملوں پراظہار تشویش
اویسی نے نفرت انگیز جرائم، ہجومی تشدد اور ملک بھر میں مسلمانوں کے خلاف خاص طور پر رمضان کے مقدس مہینے میں ٹارگٹ حملوں میں خطرناک حد تک اضافہ پر بھی گہری تشویش کا اظہار کیا۔ انہوں نے حکمران اداروں پر اقلیتوں کے خلاف خوف، نفرت اور استثنیٰ کی فضا کو فروغ دینے کا الزام لگایا۔
مارچ میں تلنگانہ میں ایس آئی آر
صد ر مجلس اسد اویسی نے کہا کہ آئندہ ماہ تلنگانہ میں انتخابی فہرستوں کی خصوصی نظر ثانی (SIR) متعارف کرائی جائے گی۔انہوں نے مزید کہا، "بی جے پی ایس آئی آر کو ووٹر لسٹ سے نام ہٹانے کے لیے استعمال کرنا چاہتی ہے، جس سے ہماری شہری سالمیت پر سوال اٹھتے ہیں۔"
قرآن و حدیث کے تعلیمات پرعمل کرنے کی تلقین
کل ہند مجلس اتحادالمسلمین کے صدر بیر سٹر اسد الدین اویسی نےکہا کہ یہ اللہ کا فضل و کرم ہے کہ اللہ تعالی نے ہمیں ما ہ رمضان عطا کیا۔ اس مہینے میں اللہ تعالی شیطان کو زنجیروں سے جکڑ دیتا ہے اور جہنم کے دوروازے بند کر دئے جاتے ہیں۔ انہوں نے مسلمانوں پر زور دیا کہ وہ قرآن و حدیث کے بتائے تعلیمات پر عمل کریں۔ انہوں نے والدین کی خدمت کر نے اور اس مہینے میں اللہ تعالی کو را ضی کرنے مسلمانوں پر زور دیا۔
 (1)88a787a3-5355-47a9-abb1-583122e4cc542822026151937.jpg)
0296522d-3b80-45c8-90de-44475318510f2822026114535.jpg)
