جن سوراج پارٹی کے بانی پرشانت کشور، جو حال ہی میں بہار میں بنکی پور کے ایم ایل اے کے طور پر منتخب ہوئے ہیں، نے منگل کو اعلان کیا کہ وہ اگلے دو سالوں میں اپنے اسمبلی حلقہ کے کم از کم 10,000 نوجوانوں کے لیے نجی ملازمتیں یقینی بنائیں گے۔کشور کو بنکی پور اسمبلی سیٹ کے ضمنی انتخاب میں ایم ایل اے کے طور پر منتخب کیا گیا ۔ یہ سیٹ بی جےپی کےقومی صدر نتین نبین کے استعفی دے کر راجیہ سبھا کے لیے منتخب ہونےکے بعد خالی ہوئی تھی۔انہوں نے کہا کہ وہ ہندوستان کے مختلف حصوں میں قابل نوجوانوں کو ملازمتیں فراہم کرنے کے لیے ملک بھر میں اپنے رابطوں کا فائدہ اٹھائیں گے۔
تعلیم یافتہ نوجوان اپنے سی وی جمع کرایں
بنکی پور میں ایک عوامی خطاب میں کشور نے کہا، "اگر آپ کے بچے پڑھے لکھے ہیں اور بے روزگار ہیں، تو ان کے سی وی ہمارے دفتر میں لائیں، ہم اگلے دو سالوں میں ان میں سے کم از کم 10،000 کے لیے نوکریوں کا بندوبست کریں گے۔ میرے پاس موجود بڑے رابطوں کے ذریعے، اور جن لوگوں کی میں نے ماضی میں مدد کی ہے، میں اس بات کو یقینی بناؤں گا کہ انہیں ملک کے مختلف حصوں میں ملازمت ملے۔"
تعلیمی نظام کو بہتر بنانے کی ضرورت
کشور نے کہا کہ جن سورج پارٹی کے اقتدار میں آنے کے بعد وہ بہار کے اندر ملازمتوں کی سہولت فراہم کریں گے لیکن "فی الحال، آپ کو ریاست کے اندر اور باہر دونوں جگہوں پر ملازمتیں طے کرنا ہوں گی"۔بنکی پور کے ایم ایل اے نے کہا کہ ملازمتوں میں سہولت فراہم کرنے کے علاوہ وہ تعلیمی نظام کو بہتر بنانے اور ضرورت مندوں کے لیے اناج اور سماجی تحفظ کی پنشن فراہم کرنے کے لیے کام کریں گے۔
ایک سال کےاندر سرکاریاسکولوں کو میعار ہوگا بہتر
جن سوراج کے بانی نے کہا۔"ایک سال کے اندر، سرکاری اسکولوں میں تعلیم کے معیار کو اس حد تک بہتر کیا جائے گا کہ لوگ اپنے بچوں کو ان اداروں میں داخل کرائیں گے۔ اگر ایسا نہیں ہوتا ہے، تو انہیں پرائیویٹ اسکولوں میں داخلہ دلانے اور فیس ادا کرنے کی ذمہ داری پرشانت کشور پر عائد ہوگی،"
احتجاجی طلبا پر پولیس کاروائی کی مذمت
انہوں نے دہلی کے جنتر منتر اور جھارکھنڈ دونوں میں احتجاج کرنے والے طلباء کے خلاف پولیس کاروائی کی مذمت کی۔ کشور نے کہا، "نئی دہلی اور جھارکھنڈ دونوں میں لاٹھی چارج ہوا، لیکن حکومتیں نوجوانوں کو لاٹھیوں کے خوف سے ڈرا نہیں سکتیں۔ وہاں ایک انڈرکرنٹ فورس ہے جو، اگر بروقت مسائل کو حل نہیں کیا گیا تو، پھیلتا رہے گا،"۔
