وزیر اعظم نریندر مودی آج سے گجرات کے دو روزہ دورے پر ہوں گے۔ اپنے دورے پر پی ایم مودی احمد آباد میں 5,400 کروڑ روپے سے زیادہ کے ترقیاتی پروجیکٹوں کا افتتاح کریں گے۔ وہ پیر کی شام ایک جلسہ عام سے خطاب بھی کریں گے۔وزیر اعظم کے دفتر کی طرف سے جاری کردہ ایک بیان میں کہا گیا ہے کہ 26 اگست کو صبح تقریباً 10.30 بجے وزیر اعظم احمد آباد کے ہنسل پور میں ہائبرڈ بیٹری الیکٹروڈ کی مقامی پیداوار کا افتتاح کریں گے اور 100 ممالک کو بیٹری الیکٹرک گاڑیوں کی برآمد کو جھنڈی دکھائیں گے۔
عالمی معیار کے بنیادی ڈھانچے اور کنیکٹیویٹی کیلئے اپنی وابستگی کے مطابق وزیر اعظم مودی 1,400 کروڑ روپے سے زیادہ کے کئی ریلوے پروجیکٹوں کو قوم کے نام وقف کریں گے۔ اس میں 530 کروڑ روپے سے زیادہ کی لاگت والی 65 کلومیٹر مہیسانہ۔پالن پور ریل لائن کو دوگنا کرنا، 860 کروڑ روپے سے زیادہ کی لاگت والی 37 کلومیٹر کلول۔کاڈی۔ کٹوسن روڈ ریل لائن اور 40 کلومیٹر بیچراجی۔رنوج ریل لائن کی گیج کی تبدیلی بھی شامل ہے۔
پی ایم مودی ویرمگام-خداد-رامپورہ سڑک کو چوڑا کرنے کا افتتاح کریں گے۔ وہ احمد آباد-مہسانہ-پالن پور روڈ پر چھ لین گاڑیوں کے انڈر پاس اور احمد آباد-ویرمگام روڈ پر ریلوے اوور برج کی تعمیر کا بھی سنگ بنیاد رکھیں گے۔ حکومت کے ان اقدامات سے خطے میں صنعتی ترقی کو فروغ ملے گا، ٹرانسپورٹ کی کارکردگی میں بہتری آئے گی اور اقتصادی مواقع میں اضافہ ہوگا۔ ریاست میں پاور سیکٹر کو بڑا فروغ دیتے ہوئے، پی اے مودی احمد آباد، مہسانہ اور گاندھی نگر میں نارتھ گجرات وج کمپنی لمیٹڈ (یو جی وی سی ایل) کے تحت بجلی کی تقسیم کے پروجیکٹوں کا افتتاح کریں گے۔
ہندوستان بیٹری مینوفیکچرنگ کا مرکز بن جائے گا:
وزیر اعظم ٹی ڈی ایس لیتھیم آئن بیٹری پلانٹ میں ہائبرڈ بیٹری الیکٹروڈ کی مقامی پیداوار کے آغاز کے ساتھ ہندوستان کے بیٹری ماحولیاتی نظام کے اگلے مرحلے کا بھی افتتاح کریں گے، جس سے سبز توانائی کے میدان میں خود انحصار بننے کی طرف ایک بڑا قدم اٹھایا جائے گا۔ یہ پلانٹ، توشیبا، ڈینسو اور سوزوکی کا مشترکہ منصوبہ، گھریلو مینوفیکچرنگ اور صاف توانائی کی اختراع کو فروغ دے گا۔ اس کے ساتھ اب اسی فیصد سے زائد بیٹریاں بھارت میں ہی تیار کی جائیں گی۔
