تلنگانہ ہائی کورٹ نے پولیس کو پرائیوٹ اسکول کے پرنسپل عامر خان کو ان الزامات پر گرفتار کرنے سے روک دیا ہے کہ نظام آباد کے ایک اسکول میں غیر مسلم طلبہ کو اردو سیکھنے پر مجبور کیا جارہا ہے۔عدالت نے یہ حفاظتی حکم ارمور کے ایک مقامی اسکول کے پرنسپل عامر خان کی پیشگی ضمانت کی سماعت کے دوران جاری کیا۔ حکم کے تحت، خان کو بھارتی شہری تحفظ سنہتا (BNSS) کی دفعہ 35(3) کے تحت جاری تحقیقات میں تعاون کرنا چاہیے۔
غیر مسلم طلباکو اردو پڑھنے پر مجبور کرنے کا الزام
یہ کیس 27 جون کو آرمور میں پیش آیا، جہاں مبینہ طور پرعامر خان کو بی جے پی کے مقامی رہنماؤں سمیت ایک گروپ نے ہراساں کیا اور ان پر حملہ کیا۔ گروپ نے الزام لگایا کہ اسکول میں غیرمسلم طلباء کو اردو پڑھنے پرمجبور کر رہا ہے۔
دو گروپ میں نفرت کو فروغ دینے کا الزام
جھگڑے کے بعد، مقامی پولیس نے پرنسپل عا مر خان اور اسکول کی اردو ٹیچر ام ہانی دونوں کے خلاف بھارتیہ نیا سنہتا (بی این ایس) کی دفعہ 196 کے تحت ایک غیر ضمانتی مقدمہ درج کیا۔ جو مختلف گروہوں کے درمیان دشمنی کو فروغ دینے سے متعلق ہے۔ پولیس کی کاروائی کو کمیونٹی گروپس کی طرف سے شدید تنقید کا سامنا کرنا پڑا، جنہوں نے حکام پر حملہ آوروں کے بجائے متاثرین کو نشانہ بنانے کا الزام لگایا۔
قانونی مداخلت
آل انڈیا ملی کونسل تلنگانہ نے پرنسپل کے دفاع میں قدم اٹھایا ، مقدمہ کے اخراجات کو پورا کیا اور اپنے قانونی امداد سیل کے ذریعے حکمت عملی کا انتظام کیا۔کونسل کے لیگل ایڈ سیل کے سیکریٹری ایڈووکیٹ افسر جہاں نے ہائی کورٹ میں خان کی نمائندگی کی۔ انھوں نے دلیل دی کہ غیر ضمانتی الزامات بدنیتی پر مبنی، بے بنیاد اور بیرونی دباؤ کے تحت دائر کیے گئے تھے، عدالت نے پرنسپل کی گرفتاری کو روکنے کے اپنے فیصلے میں اس دلیل کو قبول کیا۔
اگلے اقدامات
ملی کونسل تلنگانہ کے جنرل سکریٹری مفتی عمرعابدین قاسمی مدنی نے کہا کہ تنظیم قانونی جنگ کو مزید آگے بڑھانے کا ارادہ رکھتی ہے۔ کونسل خان اور استاد کے خلاف تمام الزامات کو مکمل طور پر خارج کرنے کے لیے ہائی کورٹ میں کوش پٹیشن دائر کرنے کا ارادہ رکھتی ہے۔مزید برآں، قانونی ٹیم 27 جون کے حملے میں ملوث اصل شکایت کنندگان اور شرپسندوں کے خلاف سخت جوابی الزامات کی پیروی کرنے کا ارادہ رکھتی ہے، یہ دلیل دیتے ہوئے کہ ان کے خلاف درج موجودہ معمولی الزامات ناکافی ہیں۔
