0a07fbfe-e74e-49af-b987-a1136d68a9b2572025171416.png)
ہفتہ کو وقارآباد کی سرپن پلی جھیل میں کشتی الٹنے سے دو خواتین کی موت ہوگئی اور دو دیگر شدید زخمی ہوگئے۔ مہلوکین کی شناخت44سالہ ریتیکا اور55سالہ پونم کے طور پر ہوئی ہے۔ بہار سے تعلق رکھنے والے ایک خاندان کے چار افراد جھیل کے قریب ایک نجی ریزورٹ میں گئے تھے۔بعد میں، انہوں نے ایک کشتی کی سواری کی بکنگ کی۔ کشتی کی سواری سے لطف اندوز ہوتے ہوئے اچانک کشتی الٹ گئی جس کے نتیجے میں دو خواتین ڈوب گئیں ۔ ان کی چیخیں سن کر مقامی لوگ ریسکیو کے لیے پہنچ گئے اور 2 کو بچانے میں کامیاب ہو گئے تاہم ان کی حالت تشویشناک بتائی جاتی ہے۔خاندان حیدرآباد کے علاقے مادھا پور میں مقیم تھا۔
سوشل میڈیا پر گردش کرنے والی ایک ویڈیو میں مقتولین کے ایک رشتہ دار وضاحت کرتے ہوئے نظر آ رہے ہیں کہ یہ واقعہ شام 6 بجے کے قریب پیش آیا۔کشتی میں تین بالغ اور دو بچے سوار تھے۔ جب یہ جھیل میں تقریباً 300 میٹر تک جا چکا تھا تو انسٹرکٹر نے بادلوں اور بارش کے امکان کو دیکھتے ہوئے کشتی چلانے والوں کو واپس جانے کو کہا۔تاہم، جب کشتی واپس مڑ رہی تھی، تو وہ الٹ گئی، اور دونوں خواتین کو جھیل میں گر گئیں۔ رشتہ دار نے بتایا کہ اگرچہ سی پی آر کیا گیا اور انہیں ہسپتال لے جایا گیا لیکن خواتین کو بچایا نہیں جا سکا۔اس شخص نے بتایا کہ "کشتی چلانے والا تیراکی واقف تھا وہ ہمارے خاندان کے افراد کو چھوڑ کر محفوظ رہا۔ ہم نے جھیل میں غوطہ لگایا اور انہیں بچانے کی کوشش کی۔ ریزورٹ انتظامیہ کی طرف سے کوئی مدد نہیں ملی اور حفاظتی اقدامات بھی مناسب نہیں تھے"۔
عادل آباد میں بھائی بہن کی تالاب میں ڈوبنے سےموت
عادل آباد ضلع میں ایک سانحہ پیش آیا ہے۔ ہفتہ کے روز ماوالا منڈل مرکز کے گرین سٹی میں دو بہن بھائی اتفاقی طور پر پانی کے تالاب میں ڈوب گئے۔پولیس نے بتایا کہ ماوالا کے سوامی کے بچے ،لنکا ودھاتا (9سالہ) اور اس کی بہن ونوتھنا (11سالہ) ، گاڑی چلاتے ہوئے پھسلنے کے بعد ایک پانی سے بھری گڑھے میں گر گئے۔ بچے تالاب نما گڑھے کے کنارے موٹر سائیکل سے گر گئے۔ بچے تفریح کے لیے موٹر سائیکل پر سوار تھے۔راہگیروں نے لاشیں دیکھ کر پولیس کو اطلاع دی جس نے موقع پر پہنچ کر لاشوں کو پانی سے نکالا۔لاشوں کو راجیو گاندھی انسٹی ٹیوٹ آف میڈیکل سائنسز (RIMS) عادل آباد منتقل کیا گیا۔ مزید تفصیلات کا انتظار ہے۔
