1cf576f6-3220-497a-af52-8310c65536cb168202613845.png)
کنڑ اداکار یش نے اپنی آنے والی فلم ’ٹاکسک‘ میں خواتین کی تصویر کشی، بولڈ مناظر، تشدد اور گالیوں کے استعمال پر ہونے والی تنقید کا دفاع کیا ہے۔ ایک ٹی وی انٹرویوں کے دوران یش نے کہا کہ فلم نوجوانوں کے لیے بنائی گئی ہے اور بچوں کو اسے نہیں دیکھنا چاہیے۔ ’ٹاکسک‘ 26 اگست 2026 کو پانچ زبانوں میں دنیا بھر کے سینما گھروں میں ریلیز ہونے والی ہے۔ فلم کی ہدایت کاری گیتو موہن داس نے کی ہے۔
خواتین کو اپنی خواہشات بیان کرنے کا حق ہے: یش
’ٹاکسک‘ بچوں کے لیے نہیں ہے
فلم کو اے سرٹیفکیٹ ملنے کے حوالے سے یش نے واضح کیا کہ ’ٹاکسک‘ بچوں کے لیے نہیں بنائی گئی۔ جب ان سے پوچھا گیا کہ بچے فلم سے کیا سیکھیں گے تو یش نے جواب دیا کہ بچوں کو یہ فلم دیکھنی ہی نہیں چاہیے۔ ان کے مطابق نوجوان خود فیصلہ کر سکتے ہیں کہ وہ کیا دیکھنا چاہتے ہیں اور فلم میں دکھائی جانے والی چیزوں سے کیا سمجھنا چاہتے ہیں۔
گالیوں کے بارے میں بھی سوالات
رجت شرما نے یش سے فلم میں استعمال ہونے والی گالیوں کے بارے میں بھی سوال کیا۔ چونکہ یش فلم کے مصنفین میں شامل ہیں، ان سے پوچھا گیا کہ کیا گالیاں انہوں نے خود لکھی ہیں۔ یش نے بتایا کہ فلم کے کچھ مکالمے انہوں نے لکھے ہیں جبکہ کچھ مکالمے ہدایت کار گیتو موہن داس کی جانب سے لکھے گئے ہیں۔ انہوں نے یہ بھی کہا کہ فلم کئی زبانوں میں بنائی گئی ہے، اس لیے ہر زبان میں گالیوں کا ترجمہ کرنا بھی ایک الگ معاملہ تھا۔
کیارا اڈوانی کے مناظر پر بھی وضاحت
انٹرویوں کے دوران فلم کے ’تباہی‘ گانے کا ذکر بھی ہوا، جس میں کیارا اڈوانی کے کردار کے بولڈ مناظر پر تنقید کی گئی ہے۔ رجت شرما نے ان مناظر پر سوال کیا تو یش نے کہا کہ فلم میں کرداروں کی اپنی ایک دنیا ہے اور وہ ایک دوسرے کے قریب ہیں۔ انہوں نے اشارہ دیا کہ ان مناظر کو فلم کی مکمل کہانی کے تناظر میں دیکھنے کی ضرورت ہے۔ یش نے یہ بھی کہا کہ فلم کے کچھ مناظر پر تنقید کرنے والے لوگ پوری فلم کے بجائے صرف ایک یا دو مناظر پر توجہ دے رہے ہیں۔کیارا اڈوانی کی فلم میں محنت کا بھی ذکر ہوا ہے۔ یش نے بتایا کہ شوٹنگ کے دوران انہوں نے اور ہدایت کار گیتو موہن داس نے کیارا کا خاص خیال رکھا اور انہیں مزاحاً اپنا ’’باڈی گارڈ‘‘ قرار دیا۔ یش نے خاص طور پر بارش میں فلمائے گئے ایک منظر میں کیارا کی محنت کی تعریف کی۔
رومانوی مناظر کے بارے میں یش نے کہا کہ وہ بدل چکے ہیں
یش سے ان کے پرانے بیان کے بارے میں بھی پوچھا گیا، جس میں انہوں نے کہا تھا کہ رومانوی مناظر کی عکس بندی کے دوران انہیں جھجھک محسوس ہوتی ہے۔ اس پر یش نے کہا کہ انسان وقت کے ساتھ بدلتا ہے۔ ان کے مطابق جو شخص 10 یا 20 سال پہلے کسی چیز کے بارے میں سوچتا تھا، ضروری نہیں کہ آج بھی اسی طرح سوچے، کیونکہ زندگی کے تجربات انسان کی سوچ کو بدل دیتے ہیں۔
فلم کی ریلیز 26 اگست کو ہوگی
’ٹاکسک‘ میں یش کے ساتھ کیارا اڈوانی، نین تارا، ہما قریشی اور دیگر اداکار اہم کرداروں میں نظر آئیں گے۔ فلم کی ہدایت کاری گیتو موہن داس نے کی ہے اور یہ 26 اگست 2026 کو دنیا بھر میں ریلیز ہونے والی ہے۔ فلم کی ریلیز سے پہلے ہی اس کے بولڈ مناظر، زبان، تشدد اور خواتین کے کرداروں کو لے کر بحث شروع ہو چکی ہے، جبکہ یش نے انٹرویوں میں واضح کیا ہے کہ فلم نوجوانوں کے لیے بنائی گئی ہے۔
یش نے ’ٹاکسک‘ کے قبرستان والے منظر کی بھی وضاحت کی۔ انٹرویو میں اس منظر کا ذکر ہوا جس میں ایک شخص قبر کھود کر لاش سے سونے کی چین نکالتا ہے۔ یہ منظر بھی فلم کے متنازع اور تاریک مواد کا حصہ ہے۔
یش نے راشمیکا مندانا کے پرانے ’مسٹر شو آف‘ تبصرے پر بھی بات کی۔ تازہ رپورٹ کے مطابق ’آپ کی عدالت‘ میں ان سے 2017 کے اس تبصرے کے بارے میں سوال کیا گیا۔ یش نے کہا کہ کسی دوسرے شخص کی رائے ان کی شخصیت کا تعین نہیں کرتی۔
1d146df4-6280-44e3-a26b-785db90b77e31682026132312.png)
c7d04e98-9748-4347-bde8-2d6b47aa7443168202612320.png)
f6fa3966-ed59-493f-b16b-0fbf673ccd161682026105726.png)
05b8e194-4888-4237-a486-de9016b336221682026102916.png)