بارڈر گواسکر ٹرافی کے چوتھے ٹیسٹ میں ہندوستانی کرکٹ ٹیم کے ماہر بلے باز ویراٹ کوہلی اور آسٹریلیا کرکٹ ٹیم کے بلے باز سام کانسٹاس کے بیچ دھکا مکی ہوئی تھی۔اب اس تنازع کو لیکر بھارتی لیجنڈ کھلاڑی ویراٹ کوہلی کے خلاف کارروائی کی گئی ہے۔آئی سی سی نے کوہلی پر میچ فیس کا 20 فیصد جرمانہ عائد کیا ہے۔ویراٹ کوہلی نے آئی سی سی قوانین کے آرٹیکل 2.12 کی خلاف ورزی کی ہے، جس کے تحت کوئی بھی کھلاڑی میدان میں کسی دوسرے کھلاڑی سے نامناسب جسمانی برطاؤ نہیں کر سکتا۔ اگر کوئی کھلاڑی جان بوجھ کر مخالف کھلاڑی کی طرف چلتا ہے یا کسی کھلاڑی یا امپائر کو کندھے سے دھکا دیتا ہے تو وہ سزا کا حقدارہوگا۔
آپ کو بتا دیں کہ بارڈر گواسکر ٹرافی کے چوتھے ٹیسٹ میچ میں آسٹریلیا کی اننگز کے 10 اوورز کے بعد کنگارو ٹیم 44 رنز بنا چکی تھی۔ اس کے بعد بیٹنگ کرنے والے کونسٹاس ایک جانب سےدوسری جانب کی طرف جا رہے تھے۔اس دوران ویراٹ کوہلی تیزی سے چلتے ہوئے آئے اور کانسٹاس کو دھکا دے دیا۔ اس کے بعد نوجوان بلے باز نے کوہلی سے غصے میں کچھ کہا جس کے بعد بھارتی لیجنڈ نے بھی انہیں کرارا جواب دیا۔اسی دوران خواجہ سرا اور امپائر تیزی سے وہاں پہنچے اور دونوں کو سمجھانے کے بعد الگ کر دیا۔
بتاتے چلیں کہ آسٹریلوی لیجنڈ رکی پونٹنگ نے کوہلی کے اس ایکشن پر اعتراض ظاہر کیا اور کہا کہ میچ ریفری کو اس پر کڑی نظر رکھنی چاہیے۔ بالآخر میچ ریفری نے ایکشن لیا، جس کی وجہ سے جرمانے کے علاوہ 'کنگ کوہلی' کو ایک ڈیمیرٹ پوائنٹ بھی دیا گیا۔ سابق بھارتی کرکٹر روی شاستری نے بھی کہا کہ کوہلی کو ایسا نہیں کرنا چاہیے۔میچ ریفری اینڈی پائکرافٹ کے ساتھ سماعت کے بعد، کوہلی نے جرم کا اعتراف کیا جسکے بعدکونسٹاس کے ساتھ جھگڑے کی وجہ سےان پر(کوہلی)میچ فیس کا 20 فیصد جرمانہ عائد کیا گیا۔اس کے ساتھ کوہلی کے کھاتے میں ایک ڈیمیرٹ پوائنٹ بھی دیا گیا ہے جس کا مطلب ہے کہ ان پر کوئی معطلی نہیں ہوگی۔آپ کو بتاتے چلیں کہ آئی سی سی کے قوانین کے مطابق اگر کسی کھلاڑی کو 3 یا اس سے زیادہ ڈیمیرٹ پوائنٹس دیئے جاتے ہیں تو اس پر پابندی عائد کر دی جاتی ہے۔
