آندھراپردیش کے ضلع سری ستیہ سائی میں ایک سانحہ پیش آیا ہے۔ پانچ لڑکیوں کی پینوگونڈہ-گولاپلی ریزروائر میں گرنے سے موت ہو گئی۔ جمعہ (16 اکتوبر) کو پیش آئے اس واقعے کی تفصیلات کچھ یوں ہیں۔ بتایا جا رہا ہےکہ درگاپیٹ سے خواتین کا ایک گروپ تعطیل کے موقع پر سیر و تفریح کے لئے گیا ہوا تھا۔ ان میں سے پانچ افرادآبی ذخائر میں گرنے سے ڈوب گئے۔
خواتین جو خوش گوار ماحول میں سیر کرتے ہوئے پانی کےقریب گئی تھیں، اور، وہ واپس نہ آنے والی دنیا میں چلی گئیں۔ وہ پانی کی گہرائی کو جانے بغیر اندر پانی میں اتر گئیں ، اور واپس پانی سے باہر نہیں آئیں ۔ اس موقع پر انہیں بچانے والا کوئی نہیں تھا کیونکہ وہ ایک ایک کر کے ڈوب رہیں تھیں ۔ اہل خانہ کو جب اس معاملے کا علم ہوا تو وہ آبی ذخیرہ کی طرف بھاگے تاہم اس وقت تک بہت دیر ہو چکی تھی۔
گایتری (50)، درگاپیٹ سے اس کی بیٹی اشونی، اپنی پڑوسیوں پشپا، حسینہ اور ماہین کے ساتھ جمعہ کو گولاپلی ریزروائر کا دورہ کرنے گئی تھیں۔ دوپہر کا کھانا ختم کرنے کے بعد وہ تفریح کے لیے گولاپلی ریزروائر میں گئے اور حادثاتی طور پر ڈوب گئے۔ لواحقین نے مقامی لوگوں کی مدد سے لاشوں کو ساحل پر پہنچایا۔ اطلاع ملنے پر پنوکنڈہ پولیس موقع پر پہنچی اور تحقیقات کررہی ہے۔ گایتری کی بیٹی اشونی کی شادی حال ہی میں ہوئی ہے۔ وہ اپنے شوہر کے ساتھ بنگلورو میں رہ رہی ہیں۔ وہ اپنے آبائی شہر آئی تھی کیونکہ دسہرہ کی چھٹیاں تھیں۔ اس سانحہ کے پیش آنے پر اہل خانہ اور گاؤں والے رو رہے ہیں۔
پانچ لڑکیوں کے اچانک لاپتہ ہونے سے اہل خانہ میں غم کی لہر دوڑ گئی ہے۔ یہاں تک کہ مقامی لوگ بھی اپنی ماؤں کو ڈھونڈتے بچوں کو دیکھ کر اپنے آنسو روک نہیں پا رہے ہیں۔اہل خانہ نے واقعہ کی اطلاع پولیس کو دی۔ پولیس نے موقع پر پہنچ کر لاشیں قبضے میں لے لیا ۔ پولیس نے لاشوں کو پوسٹ مارٹم کے لیے سرکاری اسپتال منتقل کردیا۔مقدمہ درج کر لیا گیا ہے اور تفتیش جاری ہے۔ پولیس اس بات کی تحقیقات کر رہی ہے کہ یہ حادثہ تھا یا خودکشی۔ ایک ہی خاندان کی پانچ لڑکیوں کی موت کے بعد اہل خانہ سوگ میں ہیں۔ اس واقعہ سے درگاہ پیٹ پر غم کا سایہ چھایا ہوا ہے۔
سی ایم چندرابابو کا اظہار تعزیت
آندھراپردیش کے سی ایم چندرابابو نے گولاپلی ذخائر کے واقعہ پر گہرے صدمے کا اظہار کیا۔ انہوں نے متاثرہ خاندانوں سے گہری تعزیت کا اظہار کیا۔ انہوں نے حکام سے واقعہ کے بارے میں پوچھا اور تفصیلات حاصل کیں۔
