بالی ووڈ اداکارہ اور ہماچل پردیش کے منڈی سے بی جے پی کی منتخب رکن پارلیمنٹ کنگنا رناوت نے آج بتاریخ چھ جون کو الزام لگایا کہ چندی گڑھ ہوائ اڈے پر سی آئ ایس ایف کے ایک اہلکار نے انہیں اس وقت تھپڑ مارا جب وہ دہلی جا رہی تھیں۔
رناوت کا کہنا ہے کہ جب وہ سکیورٹی چیک کے بعد بورڈنگ پوائٹ کی طرف بڑھ رہی تھیں تو سی آئ ایس ایف اہلکار کلوندر کور نے ان سے بحث کی اور انہیں تھپڑ مار دیا۔
اطلاع کے مطابق یہ واقعہ اس وقت پیش آیا جب کنگنا دہلی جانے والی فلائٹ میں سوار ہونے والی تھیں، بتایا جا رہا ہے کہ سی آئ ایس ایف اہلکار کسانوں کے احتجاج پر کنگنا کے تبصرے سے ناراض تھیں۔