اتر پردیش کے بجنور میں ایک بڑا سڑک حادثہ پیش آیا ہے۔ سڑک حادثے میں دلہا اور دلہن سمیت سات افراد جاں بحق ہو گئے جبکہ دو افراد زخمی ہیں۔ زخمیوں کو اسپتال میں داخل کرایا گیاہے۔
پولیس نے موقع پر پہنچ کر نعش قبضے میں لے کر تحقیقات شروع کر دی ہے۔ اطلاعات کے مطابق یہ المناک حادثہ بجنور ضلع کے دھام پور تھانہ کے ہریدوار۔کاشی پور قومی شاہراہ پر واقع فائر اسٹیشن کے قریب پیش آیا۔
گھنی دھند کی وجہ سے کار نے آٹو کو ٹکر ماری۔ حادثے میں دولہا اور دلہن سمیت سات افراد جاں بحق ہوگئے۔ متوفی دھام پور کے تبری گاؤں کے رہنے والے تھے۔حادثے میں چار مرد۔ دو خواتین اور ایک لڑکی کی دردناک موت ہوگئی ہے۔
اطلاعات کے مطابق جیسے ہی آٹو ہریدوارؤکاشی پور نیشنل ہائی وے پر واقع فائر اسٹیشن کے قریب پہنچا یہ حادثہ پیش آیا۔
پولیس نے ایک کیس درج کرکے تحقیقات کا آغاز کردیا ہے۔