ہندوستانی بازار میں آج 4 فروری کو سونے کی قیمت 83,350 روپے فی 10 گرام سے تجاوز کر گئی ہے۔یہ اضافہ بین الاقوامی مارکیٹ میں اضافے کی وجہ سے ہوا ہے۔ عالمی مارکیٹ میں سونے کی قیمت 2,830.49 ڈالر فی اونس کے قریب رہی جو اب تک کی بلند ترین سطحوں میں سے ایک ہے۔آپ کو بتاتے چلیں کہ ڈالر انڈیکس میں مضبوطی اور سونے کی بڑھتی ہوئی مانگ کی وجہ سے ہندوستان میں بھی قیمتوں میں اضافہ ہوا ہے۔
سونے کی قیمتیں کیوں بڑھ رہی ہیں؟
کئی وجوہات کی وجہ سے سونا مہنگا ہوتا جا رہا ہے۔کئی ممالک کی معیشت کمزور ہو رہی ہے جس کی وجہ سے لوگ محفوظ سرمایہ کاری کے طور پر سونے کا انتخاب کر رہے ہیں۔ امریکہ نے چین، میکسیکو اور کینیڈا پر محصولات میں اضافہ کر دیا ہے جس سے تجارت متاثر ہو رہی ہے۔اس کے علاوہ دنیا میں کئی مقامات پر تناؤ اور غیر یقینی صورتحال ہے جس کی وجہ سے لوگ سونے میں سرمایہ کاری کر رہے ہیں۔ کئی ممالک کے مرکزی بینک بھی سونے کی خریداری میں اضافہ کر رہے ہیں۔
امریکی ڈالر کی مضبوطی بھی سونے کی قیمتوں کو متاثر کر رہی ہے۔ حال ہی میں ڈالر انڈیکس 109 کا ہندسہ عبور کر گیا ہے جس کی وجہ سے سونا مہنگا ہو گیا ہے۔اس کے ساتھ ساتھ بڑے بلین بینک زیادہ منافع کمانے کے لیے ایشیائی ممالک سے سونے کے ذخائر امریکا بھیج رہے ہیں جس کی وجہ سے کچھ مارکیٹوں میں سونے کی دستیابی کم ہو رہی ہے۔ان وجوہات کی وجہ سے سونے کی قیمتیں مسلسل بڑھ رہی ہیں اور اس میں مزید اتار چڑھاؤ ہو سکتا ہے۔
اسکے علاوہ ماہرین کا خیال ہے کہ آنے والے دنوں میں سونے کی قیمتوں میں اتار چڑھاؤ برقرار رہ سکتا ہے۔ امریکہ میں اقتصادی اعداد و شمار کا اجراء سونے کی قیمتوں میں تبدیلی کا سبب بن سکتا ہے۔ہندوستان میں سونے کی قیمت 82,980-82,710 روپے فی 10 گرام کے قریب ہے، جبکہ اس کی بالائی حد 83,470-83,650 روپے کے درمیان ہوسکتی ہے۔ یاد رہے کہ آج بھارت میں 24 کیریٹ سونے کی قیمت 86,906 روپے فی 10 گرام ہے، 22 کیرٹ کے لیے یہ 80,064 روپے فی 10 گرام اور 18 کیرٹ کے لیے یہ 65,507 فی 10 گرام ہے۔
