بی آر ایس کے کارگزار صدر کے ٹی راما راؤ نے پانچ منحرف ایم ایل ایز پر تلنگانہ اسمبلی اسپیکر گڈم پرساد کی طرف سے دیے گئے فیصلے کی سخت مذمت کی۔ انہوں نے الزام لگایا کہ کانگریس پارٹی نے جمہوریت کا قتل کیا ہے اور اس کی گواہ اسمبلی بھی ہے۔ کے ٹی آر نے کانگریس حکومت اور راہل گاندھی کو سخت تنقید کا نشانہ بنایا ۔ انہوں نے کہا کہ یہ ایک بار پھر واضح ہو گیا ہے کہ راہل گاندھی کو نہ صرف ملک کی اعلیٰ ترین عدالتوں بلکہ آئین کا بھی کوئی احترام نہیں ہے۔
کانگریس نے آئین کو مذاق بنایا!
کے ٹی آر نے کانگریس پارٹی پر ہر قدم پر آئین کا مذاق اڑانے پر تنقید کی،۔ سی ایم ریونت نے بی آر ایس ایم ایل ایز کے گھروں کا دورہ کیا۔ تب سے لیکر آج کے اسپیکر کے فیصلے تک پارٹی سے انحراف کا دروازہ کھولا تھا۔
آئین کو ہاتھ میں پکڑ کر فوٹو کھنچوانا کافی نہیں
انہوں نے کہا کہ راہل گاندھی کا دو ہرا رویہ ان کے دو ہرے رویہ کا ثبوت ہے جب وہ منحرف ایم ایل اے کی حفاظت کرتے ہیں جنہوں نے کئی بار اعلان کیا ہے کہ انہوں نے ترقی کے لیے پارٹی بدلی ہے۔ انہوں نے کہا کہ صرف آئین کو ہاتھ میں پکڑ کر فوٹو کھنچوانے کے لیے گھومنا کافی نہیں ہے۔ انہوں نے کہا کہ راہل گاندھی تاریخ میں ایک نااہل لیڈر کے طور پر جانے جائیں گے جو اپنے والد کے بنائے ہوئے قانون کا احترام نہیں کر سکتے۔
کانگریس عوامی مخالفت سے خوفزدہ
کے ٹی آر نے کہا کہ کانگریس پارٹی جو کہ سی ایم ریونت کی دو سال کی حکمرانی کی ناکامیوں کی وجہ سے پنچایت انتخابات میں بڑھ رہی عوامی مخالفت سے خوفزدہ ہے، ضمنی انتخابات سے خوفزدہ ہے۔ انہوں نے تنقید کرتے ہوئے کہا کہ تلنگانہ سماج واضح طور پر سمجھ گیا ہے کہ منحرف ارکان اسمبلی کے خلاف کاروائی سے پیچھے ہٹنے کی یہی بنیادی وجہ ہے۔
ایم ایل ایز کوعارضی طورپر بچایا گیا ہے
حالانکہ کانگریس کا خیال تھا کہ اس نے دیوار پھلانگنے والے بی آر ایس ایم ایل ایز کو عارضی طور پر بچایا ہے، لیکن انہوں نے کہا کہ متعلقہ حلقوں کے لوگوں نے انہیں عوامی حلقے میں ایم ایل اے کے عہدے کے لیے نااہل قرار دیا ہے۔
