ڈیموکریٹ امیدوار ظہران ممدانی نے نیویارک سٹی کے میئر کا انتخاب جیت لیا۔ایسے میں ظہران ممدانی نیویارک کے میئر بننے والے پہلے جنوبی ایشیائی اور پہلے مسلمان بن گئے ہیں۔ ان انتخابات میں عوامی دلچسپی کی ایک اہم وجہ 33 سالہ ڈیموکریٹک امیدوار ظہران ممدانی تھے انہیں سوشیل میڈیا کا ماہر سمجھا جاتاہے۔ ظہران کے والدین ہندوستانی نژاد ہیں۔ ان کی والدہ میرا نائر ایک مشہور ایوارڈ یافتہ ہندوستانی فلم ڈائرکٹر ہیں جبکہ ان کے و الد محمود ممدانی گجراتی نژاد ہیں اور وہ ایک ماہر تعلیم ہیں۔ ممدانی عوامی میں خاص طورپر سوشیل میڈیا پر بہت مشہور ہیں اس لئے ڈیموکریٹک نے انہیں اپنا امیدوار بنایاتھا۔اس دوران ظہران ممدنی نے اپنی کامیابی پر تمام رائے دہندوں کا شکریہ ادا کرتے ہوئے کہاکہ وہ اپنی ذمہ داری پوری ایمانداری سے نبھانے کی کوشش کریں گے۔
وہ شخص جس کے پیچھے امریکہ کا صدر ڈونلڈ ٹرمپ ہاتھ دھو کر پڑ گیا ہو۔ اور دنیا کے امیر ترین شخص ایلون مسک نے اس کی مخالفت کی ہو، پھر بھی بھاری اکثریت سے کامیابی حاصل کر لیتا ہے تو اسے یقیناً تاریخ ساز تصور کیا جائے گا۔ ظہران ممدانی نے نیویارک کے میئر کا انتخاب جیت کر واقعی تاریخ رقم کر دی ہے۔ صرف 34 سال کی عمر میں، مسلم امیدوار ظہران ممدانی کے بارے میں کہا جاتا ہے کہ انہوں نے اپنی مہم سے نوجوان ووٹروں کو نمایاں طور پر جوش دلایا، جس کی وجہ سے 1969 کے بعد سے اس میئر کے انتخاب میں سب سے زیادہ ووٹ ڈالے گئے۔
ظہران ممدانی نے نیویارک کے میئر کا الیکشن کیسے جیتا؟
ظہران ممدانی کی انتخابی مہم روایتی سیاست سے علیحدگی تھی، جس سے وہ نوجوانوں، تارکین وطن اور محنت کش طبقے کی آواز بنے۔ ان کی ٹیم نے ڈیجیٹل پلیٹ فارمز کو ایک کلیدی ٹول کے طور پر استعمال کیا، جس سے ان کی سوشل میڈیا کی موجودگی ہر سطح پر محسوس ہوئی۔ انھوں نے مسلسل ویڈیوز شائع کیں، کبھی سڑکوں سے اور کبھی براہ راست ٹرمپ کے حمایتی ووٹروں کے ساتھ بات چیت کی۔ ان ویڈیوز میں انہوں نے اردو، ہندی، بنگالی، عربی اور ہسپانوی سمیت متعدد زبانوں میں بات کی، جس سے ان کے پیغام کو نیویارک کی کثیر لسانی آبادی تک گہرائی سے پہنچا۔
ظہران ممدانی کون ہیں؟
34 سالہ ظہران ممدانی کی پیدائش یوگنڈا میں ہوئی، لیکن وہ نیویارک سٹی میں پلے بڑھے۔ وہ نیویارک اسٹیٹ اسمبلی کے رکن ہیں اور خود کو ایک ڈیموکریٹک سوشلسٹ (جمہوری سوشلسٹ) کے طور پر شناخت کرتے ہیں۔ ظہران ممدانی معروف بھارتی فلم ساز میرا نائر اور یوگنڈا کے بھارتی نژاد مصنف محمود ممدانی کے بیٹے ہیں۔ان کی کامیابی کو امریکہ میں بھارتی نژاد تارکینِ وطن کی برادری کے لیے فخر کا لمحہ قرار دیا جا رہا ہے۔
