اردو میں چرچ کی دعائیہ اجتماعات۔ آپ نے صحیح سنا ہے! سینٹ لیوک ہندوستانی چرچ، حیدرآباد کےعلاقہ عابڈس چراغ علی لین میں، واقع ہے۔ یہاں ہراتوار کو اردو اور ہندی زبان میں دعائیہ اجتماعات منعقد کرنے کی روایت آج بھی برقرار ہے۔ چرچ 1905میں ، 1.5 ایکڑ اراضی پر تعمیر کیا گیا تھا جس کے بارے میں کہا جاتا ہے کہ نظام میر عثمان علی خان نے کرسچن مشنریز سوسائٹی آف لندن کو تحفہ دیا تھا۔
حیدرآباد میں 125 سالہ قدیم چرچ
تلنگانہ کی دالحکومت حیدرآباد میں 125 سال پرانا سینٹ لیوک چرچ خاص ہے جہاں اردو اور ہندی میں دعائیہ اجتماعات منعقد کرنے کی روایت ہے سینٹ لیوک ہندوستانی چرچ نے تقریباً 125 سالوں سے اردو میں عبادت کی روایت کو برقرار رکھا ہوا ہے ۔
لندن کے تین مشنریوں قائم کیا
یہ چرچ 1900 میں لندن کے تین مشنریوں نے بنایا تھا جو نظام کے دور میں حیدرآباد آئے تھے۔انہوں نے چرچ کی تعمیر کے لیے نظام کی سرپرستی اور زمین مانگی۔ مشنری مذہب کو پھیلانے کے مقصد سے آئے تھے۔اور اُس وقت کی آسان زبان اردو کا اس کےلئے انتخاب کیا ۔یہ مشن اگست 1947 میں ہندوستان کی آزادی تک بلا تعطل جاری رہا۔ اور جاتے وقت ان کا مقصد تھا کہ کہ عیسایت کا پیغام بلا روک ٹوک جاری رہے۔
جنوبی ہند کا واحد گرجا گھر
سادہ اور سادہ مستطیل ڈھانچہ اصل میں ایک چیپل کے طور پر بنایا گیا تھا، ایک قربان گاہ کے ساتھ عبادت کی ایک چھوٹی سی جگہ، جسے 'نارمن ملر میموریل چیپل' کے نام سے جانا جاتا ہے۔ اسے 27 ستمبر 1947 کو چرچ آف ساؤتھ انڈیا (CSI) ٹرسٹ ایسوسی ایشن نے اپنے قبضے میں لے لیا، اور اس کا نام تبدیل کرکے سینٹ لیوک کا ہندوستانی چرچ رکھ دیا گیا۔یہ جنوبی ہندوستان کا واحد چرچ ہے جہاں اردو اور ہندی دونوں زبانوں میں دعائیہ خدمات منعقد کی جاتی ہیں۔ چرچ کے اندر پادریوں کے نام اردو میں لکھے گئے ہیں اور یہاں موجود اردو بائبل بھی ثقافت کی نمائندگی کرتی ہے۔
اردو اور دکنی اردو کا استعمال
ریورنڈ سیموئل کا کہنا ہے کہ دعائیں اردو میں ہوتی ہیں، لیکن خطبہ دکنی اردو میں دیا جاتا ہے۔ یہ زبان کی ایک پرانی، علاقائی شکل ہے جو سطح مرتفع دکن میں پنپی۔ نظام کے دور میں، اردو ریاست کی پہلی سرکاری زبان تھی، خواہ ان کے مذہب یا مادری زبان کچھ بھی ہو لیکن ، اردو سیکھنی پڑتی تھی۔چرچ اب بھی اردو میں خدمات کے انعقاد کی اپنی پرانی روایت کو جاری رکھے ہوئے ہے۔ حال ہی میں ہندی خدمات کو بھی شامل کیا گیا۔ ہفتہ وار سروس اتوار کو صبح 10.30 بجے ہوتی ہے۔
قدیم چرچ کو نئے چیلنج کا سامنا
آج،چرچ کو ایک نئے چیلنج کا سامنا ہے۔ یہ ایسے پادریوں کی تلاش میں ہے جو ہندی اور اردو دونوں میں روانی رکھتے ہوں۔ ریورنڈ سیموئل کا کہنا ہے کہ ایسی صلاحیتوں کو تلاش کرنا انتہائی مشکل ہے۔
