کویت نے باضابطہ طور پر اپنا نیا ڈیجیٹل اور جامع ’’وزٹ کویت‘‘ آن لائن پلیٹ فارم متعارف کرادیا ہے، جس کے ذریعے دنیا بھر کے مسافروں کے لیے ای ویزا حاصل کرنا پہلے سے زیادہ آسان ہوگیا ہے۔گلف نیوز کے مطابق، اس نئے پورٹل کے ذریعے اب چار اقسام کے ویزے ، سیاحتی، خاندانی، تجارتی اور سرکاری ایک ہی پلیٹ فارم پر دستیاب ہوں گے۔
کویت کا ویزن 2035
سرکاری خبر رساں ادارے کونا کے مطابق، یہ اقدام کویت وژن 2035 کے تحت سیاحت کے فروغ کی حکومتی حکمتِ عملی کا حصہ ہے۔سیاحتی ویزا کے تحت تین ماہ تک قیام کی اجازت ہوگی، خاندانی ویزا 30 دن کے لیے دیا جائے گا، تجارتی ویزا کاروباری ملاقاتوں اور تقریبات میں شرکت کے لیے 30 دن کے لیے مؤثر ہوگا، جب کہ سرکاری ویزا صرف سرکاری وفود اور سفارتی مشنز کے لیے مخصوص ہے۔
’’وزٹ کویت‘‘ ڈیجیٹل سیاحتی دروازہ
وزیر اطلاعات و ثقافت و امورِ نوجوانان عبدالرحمن المطیری کے مطابق ’’وزٹ کویت‘‘ ملک کا مرکزی ڈیجیٹل سیاحتی دروازہ ہے، جو ای ویزا کے ساتھ ساتھ ثقافتی، تفریحی اور ورثے سے متعلق معلومات بھی فراہم کرتا ہے۔ یہ اقدام کویت وزن 2035 کے تحت سیاحت کو فروغ دینے کی حکومتی حکمت عملی کا حصہ ہے۔
4 قسام کے ویزے
رپورٹ کےمطابق نئے پلیٹ فارم کے ذریعہ اب چار قسام کے ویزے ہوں گے۔ جس میں سیاحت، فیملی، تجارتی اور سرکاری ویزے شامل ہیں۔ جوایک ہی پورٹل سے دستیاب ہو سکیں گے تاکہ مختلف مقا صد کےتحت آنے والے افراد کےلئے داخلہ عمل کو آسان بنایا جا سکے۔ فیملی ویزے کے تحت کویت میں مقیم افراد اپنے رشتہ داروں کو 30 دن کے قیام کےلئے یہاں بلا سکیں گے۔ یاد رہےکہ یہ پلیٹ فارم رواں سال اگست میں متعارف کرایا گیا تھا جو اب مکمل طور پر فعال ہو چکا ہے۔
