تلنگانہ کے ضلع نلگنڈہ ضلع میں روشنیوں کےتہوار دیوالی کے دن ایک چونکا دینے والے واقعہ میں ایک خاتون نے اپنے دو بچوں کو قتل کر ڈالا اور بعد میں خودکشی کرلی۔ یہ واقعہ پیر کی علی الصبح کونڈامالے پلی میں پیش آیا۔ پولیس کے مطابق کنچلا ناگالکشمی (27) نے اپنی بیٹی اونتیکا (9) اور بیٹے باون سائی (7) کا گلا گھونٹ کر قتل کردیا۔ بعد میں وہ بھی پھانسی لگا کر سے مرگئی۔
پولیس نے موقع پر پہنچ کر لاشوں کو پوسٹ مارٹم کے لیے منتقل کردیا۔ پولیس کو شبہ ہے کہ خاندانی جھگڑے اس سانحہ کی وجہ ہو سکتے ہیں ۔ اس خاندان کا تعلق پڑوسی آندھرا پردیش کے باپٹلا ضلع سے تھا اور وہ کچھ سال قبل روزی روٹی کے لیے نلگنڈہ ضلع میں ہجرت کر گئے تھے۔ ناگالکشمی کا شوہر تعمیراتی مزدور کے طور پر کام کرتا تھا جبکہ وہ یومیہ اجرت پرمزدور کے طور پر بھی کام کرتی تھی۔پولیس کی ابتدائی تفتیش میں یہ بات سامنے آئی ہے کہ خاتون نے اپنے بچوں کو قتل کیا اور بعد ازاں اس کے شوہر سے جھگڑے کے بعد گھر سے نکلنے کے بعد خودکشی کر لی۔ پولس نے مقدمہ درج کر کے تفتیش شروع کر دی اور ناگالکشمی کے رشتہ داروں کو باپٹلا ضلع میں مطلع کیا۔
حالیہ مہینوں میں تلنگانہ میں اس طرح کے واقعات کے سلسلہ میں یہ تازہ ترین واقعہ ہے ۔ گزشتہ ہفتے، حیدرآباد کے بالا نگر میں ایک 27 سالہ خاتون نے اپنی زندگی کا خاتمہ کرنے سے پہلے اپنے جڑواں بچوں کو قتل کر دیا۔چلاری سیلکشمی نے اپنے اپارٹمنٹ کی چوتھی منزل سے چھلانگ لگانے سے پہلے اپنے دو سالہ جڑواں بچوں چیتن کارتیکیہ اور لسیتا والی کو مار ڈالا۔ پولیس کے مطابق سری لکشمی اور اس کے شوہر انیل کمار کے درمیان بچوں کی صحت کے مسائل پر اکثر جھگڑا رہتا تھا جس کی وجہ سے یہ واقعہ پیش آیا۔ چیتن کو بولنے کی خرابی تھی، اور خاندان اسے باقاعدہ اسپیچ تھراپی سیشن کے لیے لے جاتا تھا۔
اگست میں، ایک خاتون نے اپنی زندگی کا خاتمہ کرنے کی کوشش کرنے سے پہلے اپنے دو بیٹوں کو پانی کے سمپ میں دھکیل دیا۔ دونوں بچے ڈوب گئے، خاتون کو راہگیر نے بچا لیا۔ بڑا بچہ تین سال کا تھا جبکہ چھوٹا صرف آٹھ ماہ کا تھا۔پولیس کے مطابق خاتون اور اس کے شوہر کے درمیان خاندانی منصوبہ بندی کے مسائل اور مالی تناؤ پر اکثر جھگڑے رہتے تھے جس کی وجہ سے یہ واقعہ پیش آیا۔
اپریل میں، ایک خاتون نے اپنے دو بیٹوں کو کلہاڑی کے وار سے قتل کر دیا اور پھر گجولارامام میں اپنے اپارٹمنٹ کی عمارت کی پانچویں منزل سے چھلانگ لگا دی۔ خاتون افسردہ تھی کیونکہ وہ آنکھوں کی طویل بیماری سے لڑ رہی تھی اور موروثی بیماری اپنے دو بچوں کو منتقل ہوگئی۔ خاتون اور اس کے شوہر کے درمیان مسلسل جھگڑے بھی ہوتے تھے۔
