وزیراعظم نریندر مودی کو اقتدار میں آئے ہوئے آج 25 سال مکمل ہو گئے ہیں۔ وہ ملک کے پہلے رہنما بن گئے جنہوں نے مسلسل حکومت کی قیادت سنبھالی۔ وہ 25 سال قبل 7 اکتوبر 2001 کو گجرات کے وزیر اعلیٰ منتخب ہوئے تھے۔ تقریباً 13 سال بعد وہ ملک کے وزیر اعظم منتخب ہوئے تھے۔ مودی کے اقتدار میں 25 سال مکمل ہونے پر جموں و کشمیر کے وزیر اعلیٰ عمر عبداللہ نے مبارکباد دی ہے۔ سری نگر میں میڈیا سے بات کرتے ہوئے عمرعبداللہ نے مودی کے طویل سیاسی سفر کا ذکر کیا اور ان کی مسلسل انتخابی کامیابیوں کو اہم قرار دیا۔
عمر عبداللہ نے اپنی اور اپنی حکومت کے ساتھیوں کی جانب سے وزیر اعظم کو مبارکباد دیتے ہوئے کہا کہ اتنے طویل عرصے تک مسلسل انتخابات جیتنا کوئی معمولی کامیابی نہیں ہے۔ ان کے مطابق مودی نے پہلے ریاستی سطح پر اور بعد میں قومی سطح پر مسلسل انتخابی کامیابیاں حاصل کیں، جو آسان کام نہیں ہے۔ انہوں نے کہا کہ کسی بھی سیاست دان کے لیے 25 سال تک مسلسل عوامی حمایت حاصل کرنا ایک اہم بات ہے۔ عمرعبداللہ نے اس بات کی طرف بھی اشارہ کیا کہ ووٹرز کا مسلسل اعتماد حاصل کرنے کے لیے وزیر اعظم مودی نے اپنی سیاسی حکمت عملی میں کچھ ایسے فیصلے ضرور کیے ہوں گے جنہیں عوام نے قبول کیا۔
وزیراعلیٰ عمر عبداللہ نے کہا کہ مسلسل انتخابی کامیابیوں کو صرف ایک واقعے کے طور پر نہیں دیکھا جا سکتا بلکہ یہ طویل عرصے تک ووٹرز کے ساتھ قائم رہنے والے سیاسی رابطے کی بھی عکاسی کرتی ہیں۔انہوں نے کہا کہ وہ وزیر اعظم مودی کے پورے سیاسی سفر کا تفصیلی جائزہ نہیں لے رہے، تاہم 25 سال تک مسلسل انتخابی کامیابی حاصل کرنا اپنے آپ میں ایک بڑی سیاسی پیش رفت ہے۔ یہ بیان ایسے وقت میں سامنے آیا ہے جب نریندر مودی کو اقتدار میں آئے ہوئے آج میں 25 سال مکمل ہوئے ہیں۔ 7 اکتوبر 2001 کو انہوں نے پہلی بار گجرات کے وزیر اعلیٰ کے طور پر حلف لیا تھا۔ اس کے بعد وہ 2014 تک گجرات کے وزیر اعلیٰ رہے۔
مئی 2014 میں نریندر مودی نے ہندوستان کے وزیر اعظم کے طور پر عہدہ سنبھالا۔ اس کے بعد وہ مسلسل تین عام انتخابات میں بی جے پی کی قیادت کرتے ہوئے مرکز میں حکومت بنانے میں کامیاب رہے۔ عمرعبداللہ کا یہ بیان سیاسی اختلافات کے باوجود مودی کی طویل انتخابی کامیابیوں کے اعتراف کے طور پر دیکھا جا رہا ہے۔ تاہم ان کے بیان میں مودی کی حکومت یا پالیسیوں کی مکمل تائید کا کوئی دعویٰ نہیں کیا گیا ہے۔
