تلنگانہ حج کمیٹی کی جانب سے آج آخری قافلہ سعودی عرب کیلئے روانہ ہونے والا ہے اطلاع کے مطابق آج رات ساڑے آٹھ بجے تلنگانہ سے حاجیوں کا آخری قافلہ روانہ ہوگا ۔ تلنگانہ حج کمیٹی کے چیئرمین غلام افضل بیابانی آخری قافلہ کو جھنڈی دھا کر قافلے کو روانہ کریں گے، اس آخری قافلہ میں جملہ ایک سوعازمین شامل رہیں گے۔ عازمین حج کا آخری قافلہ پہلے چینئی پہنچے گا پھر وہاں سے بذریعہ طیارہ سعودی عرب کیلئے روانہ ہوگا یاد رہے کہ اب تک گیارہ ہزار چھ سو سولہ عازمین ریاست تلنگانہ سے سعودی عرب پہنچ چکے ہیں، حجاج کرام فریضہ حج ادا کرنے کے بعد تیئیس جون سے اپنے گھروں کی جانب روانگی کا سلسلہ شروع کریں گے۔