آل انڈیا مجلس اتحاد المسلمین نے اتوار 19 اکتوبر کو بہار اسمبلی انتخابات کے لیے اپنے 25 امیدواروں کی پہلی فہرست جاری کی، جن میں دو غیر مسلم امیدوار بھی شامل ہیں۔اس فہرست میں پارٹی کی ریاستی یونٹ کے صدر ایم ایل اے اخترالایمان کا نام بھی شامل ہے۔
پارٹی نے یہ فہرست اپنے سرکاری ‘ایکس’ اکاؤنٹ پر شیئر کی۔ پارٹی کی جانب سے کیے گئے پوسٹ میں کہا گیا، ہمیں یہ اعلان کرتے ہوئے خوشی ہو رہی ہے کہ AIMIM بہار انتخابات کے لیے اپنے امیدواروں کی فہرست جاری کر رہی ہے۔ امیدواروں کا انتخاب بہار یونٹ نے پارٹی کے قومی قیادت سے مشاورت کے بعد کیا ہے۔ انشاءاللہ، ہم بہار کے سب سے کمزور اور نظر انداز طبقات کی آواز بنیں گے۔
AIMIM نے کسے کہاں سے ٹکٹ دیا؟
बिहार विधानसभा चुनाव के AIMIM प्रत्याशियों के नाम कुछ इस तरह हैं। इंशाअल्लाह उम्मीद है कि हम बिहार के सबसे मज़लूम लोगों की आवाज़ बनेंगे। यह सूची AIMIM बिहार यूनिट ने तैयार की है और इस सिलसिले में पार्टी की क़ौमी कियादत से भी मशविरा किया गया है।We are happy to announce the list… pic.twitter.com/9ec1t4KpR2— AIMIM (@aimim_national) October 19, 2025
اخترالایمان کو امور سیٹ سے دوبارہ میدان میں اتارا گیا ہے۔ اس سیٹ پر وزیراعلیٰ نتیش کمار کی جنتا دل (یونائیٹڈ) نے 2020 کے انتخابات میں دوسرے نمبر پر رہنے والے صبا ظفر کی جگہ راجیہ سبھا کے سابق رکن صغیر علی کو ٹکٹ دیا ہے، جنہیں 11 سال قبل پارٹی سے نکال دیا گیا تھا۔ پارٹی کی جانب سے اعلان کردہ زیادہ تر سیٹیں ریاست کے سیمانچل علاقے کی ہیں، جو سیلاب سے متاثرہ علاقہ ہے اور جہاں مسلم آبادی زیادہ ہے۔
AIMIM نے 2 غیر مسلم امیدواروں کو بھی دیا ٹکٹ:
اس کے علاوہ، AIMIM نے گیا ضلع کی سکندرا (ایس سی کے لیے محفوظ) سیٹ سے منوج کمار داس کو امیدوار بنایا ہے۔ اس سیٹ سے موجودہ ایم ایل اے اور مرکزی وزیر جیتن رام مانجھی کی پارٹی ہندوستانی عوام مورچہ کے رہنما پرفل کمار مانجھی لگاتار دوسری جیت کی کوشش کر رہے ہیں۔ مشرقی چمپارن ضلع کی ڈھاکا اسمبلی سیٹ سے پارٹی نے رانا رنجیت سنگھ کو ٹکٹ دیا ہے، جو بی جے پی ایم ایل اے اور سابق وزیر رانا رندھیر سنگھ کے بھائی ہیں۔ رندھیر سنگھ مدھوبن علاقے سے لگاتار تیسری بار جیتنے کی کوشش کر رہے ہیں۔
AIMIM نے انڈیا اتحاد میں شامل ہونے کی خواہش ظاہر کی تھی:
ڈھاکا سیٹ پر بی جے پی نے موجودہ ایم ایل اے پون کمار جیسوال کو امیدوار بنایا ہے۔ پچھلے اسمبلی انتخابات میں AIMIM نے 19 سیٹوں پر امیدوار اتارے تھے، جن میں سے پانچ پر اس نے کامیابی حاصل کی تھی، لیکن بعد میں اس کے چار ایم ایل اے راشٹریہ جنتا دل (RJD) میں شامل ہو گئے تھے۔ اس بار AIMIM نے RJD کے صدر لالو پرساد اور ان کے بیٹے اور اپوزیشن لیڈر تیجسوی یادو کو خط لکھ کر 'انڈیا اتحاد' میں شامل ہونے کی خواہش ظاہر کی تھی، لیکن ان خطوط کا کوئی جواب نہیں ملا۔
بہار اسمبلی انتخابات دو مرحلوں میں:
بہار اسمبلی انتخابات کے پہلے مرحلے کے لیے پرچہ نامزدگی کا عمل ختم ہو چکا ہے۔جب کہ دوسرا مرحلہ 20 اکتوبر سے شروع ہو رہا ہے۔ اسکے علاوہ اسمبلی انتخابات دو مرحلوں میں 6 اور 11 نومبر کو ہوں گے، جن کی گنتی 14 نومبر کو ہوگی۔
