دیوالی کے تہوار کے موقع پر ٹرینوں میں بڑی بھیڑ دیکھی جا رہی ہے۔ اس دوران ممبئی کے لوکمانیہ تلک ٹرمنل سے بہار جانے والی کرم بھومی ایکسپریس میں ایک بڑا حادثہ پیش آیا۔ بھیڑ کی وجہ سے ناسک روڈ ریلوے اسٹیشن کے قریب 3 مسافر چلتی ٹرین سے گر گئے، جن میں سے 2 کی موقع پر ہی موت ہو گئی، جبکہ ایک شخص شدید زخمی ہے۔ اطلاع ملتے ہی پولیس موقع پر پہنچی اور زخمی کو علاج کے لیے ہسپتال منتقل کیا گیا۔
ریلوے اسٹیشن سے کچھ فاصلے پر تین مسافر گرے:
ناسک روڈ پولیس نے بتایا کہ یہ حادثہ بھوساول جانے والی پٹری پر کلومیٹر 190/1 اور 190/3 کے درمیان پیش آیا۔ دونوں فوت شدہ نوجوانوں کی عمر 30 سے 35 سال کے درمیان بتائی جا رہی ہے۔ زخمی مسافر کو سنگین حالت میں ضلعی سرکاری ہسپتال میں داخل کرایا گیا ہے۔ پولیس نے بتایا کہ فوت شدہ افراد کی شناخت ابھی تک نہیں ہو سکی ہے۔ ان کی جیبوں سے ملنے والے دستاویزات کی بنیاد پر شناخت کے لیے کوششیں کی جا رہی ہیں۔
حادثے کے اسباب کی تحقیقات جاری:
پولیس نے بتایا کہ اس معاملے میں غیر ارادی موت کا مقدمہ درج کیا گیا ہے اور تحقیقات شروع کر دی گئی ہیں۔ ابتدائی تحقیقات سے پتہ چلتا ہے کہ رش کی وجہ سے مسافر ٹرین سے گر گئے۔ حکام کے مطابق، یہ بھی جانچ کی جا رہی ہے کہ یہ مسافر تہوار منانے اپنے گاؤں جا رہے تھے یا بہار انتخابات میں ووٹ ڈالنے کے لیے سفر کر رہے تھے۔ بتایا جا رہا ہے کہ مسافر جنرل بوگی میں سفر کر رہے تھے۔
مسافروں کی شناخت ابھی باقی:
اوڑھا ریلوے اسٹیشن کے منیجر آکاش کو جیسے ہی واقعے کی اطلاع ملی، انہوں نے پولیس سے رابطہ کیا۔ اس کے بعد ناسک روڈ تھانے کے سینئر پولیس انسپکٹر جتیندر سپکالے، سب انسپکٹر مالی، اور کانسٹیبل بھولے موقع پر پہنچے۔ اور معاملات کو اپنے قبضے میں لیا۔تاہم تحقیقات جاری ہے۔ مسافروں کی شناخت ابھی تک نہیں ہو سکی ہے۔ دیوالی کے پیش نظر شمالی ہندوستان جانے والی ٹرینوں میں کافی رش ہوتا ہے۔ اس لیے ابتدائی معلومات سے پتہ چلتا ہے کہ یہ حادثہ ٹرین سے گرنے کی وجہ سے پیش آیا۔
