اتل سبھاش کی ساس اور بہنوئی کو پریاگ راج سے گرفتار کیا گیا ہے۔ اسی کے ساتھ ہی اتل سبھاش کی بیوی نکیتا سنگھانیہ کو بنگلورو پولیس نے گروگرام (ہریانہ) سے گرفتار کیا ہے۔ یہ جانکاری بنگلورو پولیس نے سوشل میڈیا پر دی ہے۔
ڈی سی پی وائٹ فیلڈ ڈویژن، بنگلورو (کرناٹک) شیوکمار نے اطلاع دی ہے کہ اتل سبھاش کی ساس نشا سنگھانیہ اور بہنوئی انوراگ کو پریاگ راج سے گرفتار کیا گیا ہے۔ ان کی بیوی نکیتا سنگھانیہ کو پولیس نے گروگرام (ہریانہ) سے گرفتار کیا ہے۔ سب کو عدالت میں پیش کرنے کے بعد انہیں عدالتی تحویل میں بھیج دیا گیا ہے۔
آپ کو بتا دیں کہ سافٹ ویئر انجینئر اتل سبھاش نے اپنی بیوی نکیتا اور سسرال والوں پر ہراساں کرنے کا الزام لگایا تھا۔ اس نے 9 دسمبر کو بنگلورو میں خودکشی کرلی۔ اس معاملے میں بنگلور پولیس نے نکیتا، ماں نشا اور بھائیوں کے خلاف خودکشی کے لیے اکسانے کا مقدمہ درج کیا تھا۔
نکیتا اور اس کے خاندان کی تلاش میں بنگلورو پولیس جونپور اور دہلی پہنچی تھی۔ اسی دوران معلوم ہوا کہ نکیتا کی ماں اور بھائی جو جونپور میں رہتے ہیں، اپنے گھر کو تالا لگا کر کہیں چلے گئے ہیں۔ بنگلور پولیس نے ان کے گھر کو تالا لگا ہوا پایا۔ پولیس اسے مسلسل تلاش کر رہی تھی۔ بتایا گیا کہ اس معاملے کے چوتھے ملزم سشیل سنگھانیہ کو بھی جلد ہی گرفتار کیا جا سکتا ہے.
اس معاملے میں ہفتہ کو ملزم کی بیوی نکیتا سنگھانیہ اور اس کے سسرال کے دیگر افراد نے الہ آباد ہائی کورٹ میں پیشگی ضمانت کی درخواست دائر کی تھی۔ خیال کیا جاتا تھا کہ یہ کوشش گرفتاری سے بچنے کے لیے کی گئی ہے۔ دریں اثنا، تینوں ملزمین کو بنگلورو پولیس نے گرفتار کر لیا ہے۔ بنگلورو پولیس کے مطابق اتل سبھاش کی ساس اور بہنوئی کو پریاگ راج اور ان کی بیوی کو گروگرام سے گرفتار کرکے جیل بھیج دیا گیا ہے.
