پچھلے 10 سالوں میں، سرکاری اور پرائیویٹ سیکٹر کے بینکوں نے 12 لاکھ کروڑ روپے سے زیادہ کے قرضے معاف کیے ہیں۔ اس معاملے میں سرکاری بینک سب سے آگے ہیں۔وزیر مملکت برائے خزانہ پنکج چودھری نے پارلیمنٹ میں ایک سوال کے جواب میں کہا کہ بینکوں نے مالی سال 2015-2024 کے لیے کل 12.3 لاکھ کروڑ روپے کے قرضے معاف کیے ہیں۔اس میں 6.5 لاکھ کروڑ روپے (53 فیصد) پچھلے 5 سالوں میں سرکاری بینکوں نے معاف کیا ہے۔
SBI قرض معافی میں سب سے آگے !
وزیر مملکت نے کہا کہ 30 ستمبر 2024 تک سرکاری بینکوں کے نان پرفارمنگ اثاثے (این پی اے) 3.16 لاکھ کروڑ روپے اور نجی بینکوں کا این پی اے 1.34 لاکھ کروڑ روپے تھا۔سال 2020-2024 کے درمیان، اسٹیٹ بینک آف انڈیا (SBI) سب سے آگے رہا، جس نے 1.46 لاکھ کروڑ روپے کے قرضوں کو معاف کیا۔
دوسرے نمبر پر پنجاب نیشنل بینک نے 82,449 کروڑ روپے، یونین بینک نے 82,323 کروڑ روپے، بینک آف بڑودہ نے 77,177 کروڑ روپے اور بینک آف انڈیا نے 45,467 کروڑ روپے کا قرض معاف کیا۔
انڈین ایکسپریس کی رپورٹ کے مطابق، مارچ 2019 تک، کل این پی اے کا 43 فیصد سے زیادہ، جو کہ 4.02 لاکھ کروڑ روپے ہے، صرف 100 کمپنیوں کے پاس تھا۔
ان میں سے 30 قرض دہندگان کے پاس 2.86 لاکھ کروڑ روپے کے مجموعی این پی اے کے 30 فیصد سے زیادہ تھے۔رپورٹ کے مطابق قرض ادا نہ کرنے والوں میں انیل امبانی کی ریلائنس کمیونیکیشن لمیٹڈ کمپنی بھی شامل ہے۔ جندال اور جے پی گروپ کی کمپنیاں بھی اس میں شامل ہیں۔
