بھارتی کرکٹ ٹیم کے سابق ہیڈ کوچ روی شاستری نے سڈنی ٹیسٹ میچ کے بعد روہت شرما کے ٹیسٹ کرکٹ سے ریٹائرمنٹ کا اشارہ دیا ہے۔یہ قیاس آرائی اس وقت کی جارہی ہے جب روہت نے بارڈر-گواسکر ٹرافی 2024-25 کے آخری میچ سے باہر رہنے کا فیصلہ کیا ہے۔سیریز میں ان کی کارکردگی مایوس کن رہی ہے۔
سنیل گواسکر نے کیا کہا؟
سابق ہندوستانی بلے باز سنیل گواسکر نے کہا کہ میلبورن میں کھیلا گیا باکسنگ ڈے ٹیسٹ اس فارمیٹ میں روہت کا آخری میچ تھا۔گواسکر نے کہا، "مجھے لگتا ہے کہ اگر ہندوستان ورلڈ ٹیسٹ چیمپئن شپ (WTC) کے فائنل میں نہیں پہنچتا ہے تو میلبورن ٹیسٹ روہت کا آخری میچ ہوگا۔ ہم شاید انہیں آخری بار ٹیسٹ کرکٹ کھیلتے ہوئے دیکھ رہے ہیں۔
شاستری نے کیا کہا؟
شاستری نے کمنٹری کے دوران کہا، "اگر کوئی ڈومیسٹک سیزن آگے ہوتا تو روہت کھیلنا جاری رکھنے کے بارے میں سوچ سکتے تھے، لیکن مجھے لگتا ہے کہ وہ اس ٹیسٹ کے بعد ٹیسٹ کرکٹ سے ریٹائر ہو جائیں گے۔ ہندوستان کے پاس بہت سے باصلاحیت نوجوان کھلاڑی ہیں۔ اور اب آگے بڑھنے کا وقت ہے۔ یہ ایک مشکل فیصلہ ہوگا، لیکن ہر چیز کا ایک وقت ہوتا ہے۔
اس سیریز میں روہت کی کارکردگی!
بارڈر-گاوسکر ٹرافی 2024-25 میں کپتان روہت کی کاکردگی کافی مایوس کن رہی۔روہت نے سیریز کا پہلا ٹیسٹ میچ نہیں کھیلا تھا۔ اس کے بعد وہ 3 ٹیسٹ کی 5 اننگز میں 6.20 کی انتہائی خراب اوسط کے ساتھ صرف 31 رنز بنا سکے۔اس سیریزمیں ان کا بہترین اسکور صرف 10 رنز تھا۔ ٹیم کو میلبورن اور سڈنی میں بھی بڑی شکستوں کا سامنا کرنا پڑا۔
کیسا رہاہےروہت کا ٹیسٹ کیریئر؟
ٹیسٹ کرکٹ میں روہت نے اب تک 67 میچوں کی 116 اننگز میں 40.57 کی اوسط سے 4,301 رنز بنائے ہیں۔ اس دوران انہوں نے 12 سنچریاں اور 18 نصف سنچریاں اسکور کیں۔ اس فارمیٹ میں 212 رنز ان کا سب سے بڑا سکور رہا ہے۔اس کھلاڑی نے اپنا پہلا ٹیسٹ میچ سال 2013 میں ویسٹ انڈیز کرکٹ ٹیم کے خلاف کھیلا۔اپنے ٹیسٹ کیریئر میں اس کھلاڑی نے انگلینڈ کرکٹ ٹیم کے خلاف سب سے زیادہ رنز (1,147) بنائے ہیں ۔
c1baacea-51bd-4ded-8658-2377f8adc51b412025152918.jpg)
08abdc13-4961-41dc-8878-5ba8d584236c312025145242.jpg)
0189aed6-b648-4f2f-acf9-41b32bde632e312025121314.jpg)
