سماج وادی پارٹی کے سربراہ اور اترپردیش کے سابق چیف منسٹر اکھلیش یادو نے لوک سبھا انتخابات کے ایگزٹ پول پر سوال اٹھائے ہیں۔ انہوں نے کہاکہ اپوزیشن نے پہلے ہی اعلان کردیا تھاکہ میڈیا بی جے پی کو 300 سے آگے دکھائے گا تاکہ دھوکہ دہی کی گنجائش ہوسکے۔ اکھلیش یادو نے کہاکہ یہ بی جے پی کا ایگزٹ پول کئی مہینے پہلے تیار کیاگیا تھا جسے اب چینلوں نے چلایاہے، اس ایگزٹ پول کے ذریعے رائے عامہ کو دھوکہ دینے کی کوشش کی جارہی ہے،اکھلیش یادو نے کہاکہ ملک میں چار جون کے بعد انڈیا اتحاد کی حکومت بنے گی اور اس یقین کا بھی اظہار کیاکہ چار جون کے بعد پی ایم مودی کی وداعی یقینی ہے۔