پاکستان میں ایک درد ناک حادثہ پیش آیا ہے جہاں ایک بس کھائی میں گرگئی جس میں سوار 23 مسافر ہلاک ہو گئے ہیں۔
یہ واقعہ پاکستان کے زیر انتظام کشمیر اور صوبہ پنجاب کی سرحد پر واقع آزاد پتن قصبے کے قریب پیش آیا۔
ذرائع کے مطابق ڈپٹی کمشنر سردار وحید نے بتایا کہ بس میں ڈرائیور سمیت 23 افراد سوار تھے جن میں 19 مرد، تین خواتین اور ایک بچہ شامل تھا۔
ان کے مطابق تمام افراد موقع پر ہی دم توڑ گئے جب کہ ان کی لاشیں کہوٹہ اسپتال منتقل کی گئیں۔
اسکے علاوہ جنوب مغربی پاکستان میں ایک اور حادثے میں ایران سے مقدس مقامات کی زیارت کر ملک واپس آ رہے 12 افراد مکران کوسٹل ہائی وے پر حادثے میں جاں بحق ہوگئے۔
اس واقعہ میں بس کے بریک فیل ہونے کے بعد ڈرائیور نے کنٹرول کھو دیا اور بس الٹ گئی۔
ان دونوں حادثات سے چند روز قبل اتوار کو پڑوسی ملک ایران میں بس حادثے میں 8 پاکستانی زائرین جاں بحق ہو گئے تھے۔