تلنگانہ محکمہ تعلیم نے ہائی اسکولوں کے نظام الاوقات کے حوالے سے ایک اہم فیصلہ کیا ہے
ریاست تلنگانہ میں سرکاری سطح کے ہائی اسکولوں میں اسکول کے اوقات میں تبدیلی کی گئی ہے اس تعلق سے محکمہ تعلیم نے گورنمنٹ ہائی اسکولس کے نظام الاوقات میں تبدیلی کے حوالے سے احکامات بھی جاری کر دیے ہیں۔
جس کے مطابق ریاست کے سرکاری ہائی اسکول صبح 9 بجے سے شام 4.15 بجے تک جاری رہیں گے۔
بتا دیں کہ فی الحال ہائی اسکول صبح 9.30 بجے سے شام 4.45 بجے تک جاری ہے۔ ہائی اسکول کے بچوں کو بھی پرائمری اور اپر پرائمری اسکول کے بچوں کے نظام الاوقات میں لانے کے لئے یہ فیصلہ کیا گیا ہے۔
محکمہ تعلیم کے حکام نے واضح کیا ہے کہ پرائمری اور اپر پرائمری اسکول معمول کے مطابق صبح 9 بجے سے شام 4.15 بجے تک جاری رہیں گے۔
اس کے علاوہ شہر حیدرآباد و سکندرآباد میں صبح 8.45 بجے سے شام 4 بجے تک اسکولوں کے اوقات معمول کے مطابق جاری رہیں گے۔