بھارت اور بنگلہ دیش کے درمیان ہفتہ کو دوسرے ٹیسٹ کے دوسرے دن کا کھیل منسوخ کر دیا گیا ہے۔ بی سی سی آئی نے یہ جانکاری دی ہے۔
یہ میچ کانپور کے گرین پارک اسٹیڈیم میں کھیلا جانا تھا۔ لیکن بارش کے باعث کھیل شروع نہ ہو سکا۔
میچ کے پہلے دن بھی صرف 35 اوورز ہی کھیلے جا سکے۔ اس کے بعد خراب موسم کی وجہ سے میچ روک دیا گیا۔ پہلے دن 35 اوورز کے اختتام تک بنگلہ دیش نے تین وکٹوں کے نقصان پر 107 رنز بنائے تھے۔
پہلے دن کا میچ منسوخ ہونے تک بنگلہ دیشی بلے باز مومن الحق اور مشفق الرحیم کریز پر موجود تھے۔
ہندوستان کے لئے، گیند باز آر اشون نے کل کے کھیل تک ایک وکٹ حاصل کی تھی۔ جبکہ آکاش دیپ دو وکٹیں لینے میں کامیاب رہے.