اتر پردیش کے علی گڑھ میں ایک ہولناک حادثہ پیش آیا ہے۔ یمنا ایکسپریس وے پر ٹرک اور بس کے درمیان تصادم ہوا۔ جس میں پانچ افراد کی موت ہو گئی ہے، جبکہ 15 افراد زخمی ہوۓ ہیں۔ یہ حادثہ یمنا ایکسپریس وے 56 نمبر پر پیش آیا۔
ذرائع کے مطابق یہ حادثہ 20 اور 21 نومبر کی درمیانی رات کو اس وقت پیش آیا جب مسافروں سے بھری ڈبل ڈیکر پرائیویٹ بس دہلی سے اعظم گڑھ جارہی تھی۔ اسی درمیان علی گڑھ کے ٹپل تھانہ علاقے میں بس بیئر کی بوتلوں کے سکریپ سے بھرے ٹرک سے ٹکرا گئی۔
تصادم اتنا شدید تھا کہ بس سامنے سے مکمل طور پر تباہ ہو گئی۔ حادثے میں جاں بحق ہونے والوں میں ایک خاتون اور تین مرد شامل ہیں۔ جبکہ اس حادثے میں پانچ ماہ کا بچہ بھی موت کے حوالے ہو گیا۔
واقعہ کی اطلاع ملتے ہی پولیس کی ٹیم موقع پر پہنچ گئی۔ پولیس نے ہلاک ہونے والے پانچوں افراد کی لاشیں تحویل میں لے کر پوسٹ مارٹم کے لیے بھیج دی ہیں۔ جبکہ تمام زخمیوں کو جیور کے کیلاش اسپتال میں علاج کے لیے مفتقل کر دیا گیا۔
آپ کو بتا تے چلیں کہ اس سے قبل 9 نومبر کو بھی یمنا ایکسپریس وے پر ایک المناک سڑک حادثے میں 3 خواتین اور 2 مرد سمیت پانج 5 افراد ہلاک ہو گئے۔اور ان سب کا تعلق ایک ہی خاندان سے تھا۔