مہاراشٹر کے تھانے ضلع کے بھیونڈی تعلقہ کے سراولی میں ایک ڈائپر بنانے والی فیکٹری میں منگل کی صبح آگ لگ گئی، جس میں کسی جانی نقصان کی ابھی تک کوئی خبرموصول نہیں ہوئی ہے۔ بھیونڈی-نظام پور میونسپل کارپوریشن (بی این ایم سی) کے ڈیزاسٹر
مینجمنٹ سیل افسر راجو وارلیکر نے بتایا کہ سروالی صنعتی علاقے میں واقع فیکٹری میں صبح تقریباً 3 بجے آگ لگی۔
،اہلکار نے بتایا کہ بی این ایم سی، تھانے، کلیان اور ڈومبیولی سے فائر بریگیڈ کی ٹیمیں موقع پر پہنچ گئیں اور صبح 8.30 بجے تک آگ پر قابو پالیا گیا۔ اہلکار کے مطابق آگ لگنے سے فیکٹری میں رکھا سارا مال جل کر راکھ ہوگیا
کمپنی میں بڑے پیمانے پر ڈائپر بنانے کا سامان، پلاسٹک اور سوتی کپڑے رکھے ہوئے تھےسارے جل کر راکھ ہوچکے ہیں، حکام کا کہنا ہے کہ آگ لگنے کی وجوہات کی تحقیقات کی جا رہی ہے۔