انناؤ میں آج صبح ایک انتہائی دردناک سڑک حادثہ پیش آیا ہے ۔ اس حادثے میں کل 18 مسافروں کی موت ہوگئی۔ یہ حادثہ ڈبل ڈیکر بس کے پیچھے سے دودھ کے ڈبے میں ٹکرانے کی وجہ سے پیش آیا۔
حادثہ اتنا شدید تھا کہ ڈبل ڈیکر بس کے پرخچے اڑ گئے۔ جس جگہ حادثہ ہوا وہاں لاشوں کا ڈھیر لگ گیا تھا۔ حادثے کی تصویریں ایسی درھ ناک تھی کہ جسے دیکھ کر روح کانپ جاۓ،
اس خوفناک حادثہ میں سوار مسافروں میں سے 18 افراد جاں بحق ہو گۓ جب کہ کئی افراد شدید زخمی ہیں،
یہ حادثہ اس وقت پیش آیا جب بہار کے سیتامڑھی سے دہلی جارہی تیز رفتار بس لکھنؤ-آگرہ ایکسپریس وے پر دودھ کے کنٹینر سے ٹکراگئی۔ اس حادثے میں 30 سے زائد افراد زخمی بھی ہوئے ہیں۔حادثے کے بعد زخمیوں کو اسپتال میں داخل کرایا گیاہے۔ جائے حادثہ پر موجود لوگوں کے مطابق ڈبل ڈیکر بس بے قابو ہوکر دودھ کے ڈبے سے ٹکراگئی جس کے بعد یہ حادثہ پیش آیا۔ حادثہ اتنا خوفناک تھا کہ گاؤں والے اسے دیکھ کر خوفزدہ ہوگئے۔ اطلاع ملتے ہی پولیس موقع پر پہنچی اور بچاؤ میں جٹ گئی۔ اس کے علاوہ اناؤ کے اعلیٰ حکام بھی موقع پر پہنچے اور حالات کا جائزہ لیا۔