تھائی لینڈ میں آج 1 اکتوبر منگل کو دلخراش حادثہ پیش آیا ہے،جہاں ایک اسکول بس میں آگ لگنے کی وجہ سے پچیس افراد کے ہلاک ہونے کا خدشہ ہے۔
بس طلباء اور اساتذہ کو لے کر فیلڈ ٹرپ پر جا رہی تھی کہ دارالحکومت بنکاک کے مضافات میں اس میں آگ لگ گئی،زخمی 16 افراد کو اسپتال میں داخل کرادیا گیا ہے۔
کہا جا رہا ہے کہ 16 بچے اور تین اساتذہ زندہ بچ گئے ہیں لیکن 22 طلباء اور تین اساتذہ کے بارے میں ابھی تک معلومات دستیاب نہیں ہیں۔
تصاویر سے واضح ہے کہ آگ لگنے سے بس مکمل طور پر تباہ ہو گئی ہے۔
مقامی میڈیا کے مطابق تفتیش کاروں کا کہنا ہے کہ آگ کی گرمی کی وجہ سے وہ بس میں داخل نہیں ہو پا رہے ہیں۔
بس شمالی صوبے اتھائی تھانی سے بچوں اور اساتذہ کے ساتھ واپس آرہی تھی۔