تلنگانہ کابینہ کی میٹنگ جو 23 اکتوبر کو ہونے والی تھی 26 اکتوبر تک کیلئے ملتوی کردی گئی ہے۔یہ فیصلہ وزراء پونگولیٹی سری نواس ریڈی اور پونم پربھاکر کے جنوبی کوریا کے شہر سیول میں جاری دورے کی وجہ سے کیا گیا ہے جہاں وہ دریائے ہان کے کنارے ترقی کا معائنہ کررہے ہیں۔
وزراء ہفتہ کو اس اہم سفر پر روانہ ہوئے اور توقع ہے کہ وہ 25 اکتوبر کو حیدرآباد واپس آئیں گے۔اطلاعات کے مطابق کابینہ کے اجلاس میں ریکارڈ آف رائٹس ایکٹ سے متعلق ایک نئے مسودہ بل کے بارے میں بات چیت پر توجہ دی جائے گی۔
چیف منسٹر ریونت ریڈی نے اجلاس میں تاخیر کا فیصلہ کرتے ہوئے اس بات پر زور دیا کہ وزیر ریونیو کی موجودگی کے بغیر اتنے اہم بل پر بحث کرنا مناسب نہیں ہوگا۔
انہوں نے کہاکہ آئندہ میٹنگ ڈاکٹر بی آر امبیڈکر سکریٹریٹ میں 26 اکتوبر کو شام 4بجے ہونے ہوگی۔ واضح رہے کہ اس میٹنگ کے ایجنڈے کے کلیدی موضوعات میں موسیٰ پروجیکٹ شامل ہے جس کا مقصد دریا کو زندہ کرنا ہے۔
اس کے علاوہ نئے راشن اور ہیلتھ کارڈز کے اجراء پر بھی تبادلہ خیال ہوگا جو شہریوں کی خوراک اور صحت کی دیکھ بھال کی خدمات تک رسائی کو یقینی بنانے کیلئے ضروری ہیں۔