رکن پارلیمنٹ بیرسٹر اسد الدین اویسی،سید شاہ گیسودراز خسرو حسینی کی آخری زیارت کے لیے گلبرگہ پہنچے ہیں۔
سید شاہ خسرو حسینی صاحب بارگاہ حضرت خواجہ بندہ نواز گیسو دراز سرکار گلبرگہ شریف کے سجادہ نشین تھے۔
بتا دیں کہ حضرت مولانا ڈاکٹر سید شاہ گیسودراز سجادہ نشین روضہ بزرگ گلبرگہ اور آل انڈیا مسلم پرسنل لاء بورڈ کے نائب صدر بھی تھے جو کہ آج طویل علالت کے بعد 79 سال کی عمر میں وفات پا گۓ۔ حضرت سید شاہ گیسودراز خسرو حسینی خواجہ بندہ نواز یونیورسٹی کے چانسلر بھی تھے۔
حضرت خسرو حسینی کی نماز جنازہ آج بعد نماز مغرب مسجد روضہ بزرگ میں ادا کی جائے گی جبکہ تدفین احاطہ درگاہ میں عمل میں آئیگی۔
آخری دیدار کیلئے ہزاروں لاکھوں لوگ ان کی رہائش گاہ پر پہنچ رہے ہیں۔تعلیم کے میدان میں حضرت خسرو حسینی کی خدمات ناقابل فراموش ہیں۔
حضرت خسرو حسینی 2007 سے روضہ بزرگ کے سجادہ نشین و متولی کی حیثیت سے خدمات انجام دیتے رہے ہیں اور حال ہی میں انہوں نے اپنے بڑے فرزند سید شاہ علی حسینی کو تولیت سونپ دی تھی۔