پچھلے دنوں انگلینڈ کے لیجنڈری باؤلر جیمز اینڈرسن نے آئی پی ایل میگا نیلامی کے لیے اپنا نام رجسٹر کروایا ہے ، تب سے یہ تیز گیند باز مسلسل سرخیوں میں ہیں، جیمز اینڈرسن نے بتایا ہےکہ آئی پی ایل نیلامی میں اپنا نام درج کرانے کے پیچھے کیا سوچ ہے؟ جیمز اینڈرسن نے کہا کہ وہ آئی پی ایل میں کھیلنا چاہتے ہیں۔ مجھے لگتا ہے کہ میں ٹی20 فارمیٹ میں 4 اوورز کرانے کے لیے مکمل طور پر فٹ ہوں، میں دوبارہ کرکٹ کھیلنا چاہتا ہوں، ٹیمیں نیلامی میں مجھ میں دلچسپی ظاہر کریں گی یا نہیں یہ الگ سوال ہے لیکن میں کرکٹ کھیلنا چاہتا ہوں۔
جیمز اینڈرسن نے کہا کہ مجھے لگتا ہے کہ میرے اندر بہت سی کرکٹ باقی ہے۔ میں آئی پی ایل 2025 کے سیزن کا حصہ بننا چاہتا ہوں۔ جیمز اینڈرسن کا مزید کہنا ہے کہ میں مکمل طور پر فٹ ہوں، لگاتار بولنگ کر رہا ہوں۔ مجھے لگتا ہے کہ اگر مجھے کسی بھی ٹورنامنٹ میں کھیلنے کا موقع ملتا ہے تو یہ میرے لیے اچھا موقع ہوگا، لیکن سوال یہ ہے کہ کیا میگا آکشن سے قبل کسی ٹیم نے جیمز اینڈرسن سے رابطہ کیا ہے؟ جیمز اینڈرسن کا کہنا ہے کہ اب تک آئی پی ایل کی کسی ٹیم نے رابطہ نہیں کیا تاہم میں اپنی فٹنس پر مسلسل کام کر رہا ہوں اور انتظار کر رہا ہوں۔ ساتھ ہی یہ خیال کیا جا رہا ہے کہ آئی پی ایل میگا نیلامی میں چنئی سپر کنگز جیمز اینڈرسن پر داوں لگا سکتی ہے۔