مرکزی وزیر خزانہ نرملا سیتا رمن آج پارلیمنٹ میں بی جے پی حکومت کی تیسری میعاد کا پہلا مکمل بجٹ پیش کریں گی
بتا دیں کہ پارلیمنٹ کا بجٹ اجلاس جاری ہے جو 12 اگست تک جاری رہے گا۔
اس کے علاوہ نرملا سیتا رمن نے اشارہ دیا ہے کہ وہ مائیکرو، چھوٹے اور درمیانے درجہ کے کاروباری اداروں کیلئے اقدامات کا اعلان کریں گی جو ملک کی ترقی کو ریلیف کا انجن ہے۔ واضح رہے کہ آج بجٹ کی پیشکشی کے ساتھ ہی نرملا سیتارامن سابق وزیر فینانس مرارجی دیسائی کا ریکارڈ توڑ دیں گی جنہوں نے اپنی معیاد کے دوران چھ مرتبہ بجٹ پیش کیاتھا۔ نرملا سیتارامن ساتویں مرتبہ بجٹ پیش کرنے جارہی ہیں۔ ادھر دوسری جانب بجٹ والے دن ہندوستانی اسٹاک مارکیٹ میں تیزی کے آثار دکھائی دے رہے ہیں۔ نفٹی صبح 8:18 پر 24537 کی سطح پر ہے اور اس میں 17.80 پوائنٹس کا اضافہ دیکھا جارہا ہے۔ اس میں 0.07 فیصد کے معمولی اضافے کے ساتھ ایسا لگتا ہے کہ نفٹی صرف سبز نشان پر شروع ہوگا۔ اس دوران نرملا سیتا رمن نے وزارت خزانہ پہنچ کر صدرجمہوریہ دروپدی مرمو سے ملاقات کی اور انہیں بجٹ کی مکمل کاپی پیش کی۔