گریٹر نوئیڈا ایکسپریس وے پر ایک خوفناک سڑک حادثے میں 5 افراد کی موت ہوگئی۔ مرنے والوں میں تین خواتین اور دو مرد شامل ہیں۔پانچوں افراد کا تعلق ایک ہی خاندان سے تھا۔یہ واقعہ گریٹر نوئیڈا تھانہ علاقہ کے نالج پارک میں پیش آیا۔
موصولہ اطلاع کے مطابق یہ سڑک حادثہ نوئیڈا سے پاری چوک جاتے ہوئے پیش آیا۔ ایکسپریس وے پر ایک کار پیچھے سے خراب کھڑے ٹرک سے ٹکرا گئی۔
حادثے کی اطلاع ملتے ہی پولیس موقع پر پہنچی اور ضروری اقدامات اٹھاۓ۔
مقامی لوگوں اور پولیس نے کافی کوشش کے بعد زخمیوں کو باہر نکالا۔
ڈرائیونگ سیٹ پر بیٹھے شخص کی موقع پر ہی موت ہوگئی جبکہ باقی چار افراد اسپتال میں علاج کے دوران دم توڑ گئے۔ تمام لاشوں کو پوسٹ مارٹم کے لیے بھیج دیا گیا ہے۔
پولیس نے بتایا کہ اتوار کی صبح نالج پارک تھانے کے سیکٹر 146 کے قریب تیز رفتاری سے آ رہی ایک ویگنیر کار نے پیچھے سے کھڑے ایک خراب ٹرک کو ٹکر مار دی۔ جس میں ڈرائیور کی موقع پر ہی موت ہوگئی اور چار دیگر افراد کو اسپتال میں داخل کرایا گیا، جہاں ڈاکٹروں نے انہیں بھی مردہ قرار دیا۔