گاندھی خاندان رائے بریلی اور امیٹھی کے ساتھ جذباتی بندھن کو مزید مضبوط کرنے کے لئے راہول گاندھی، پرینکا اور امیٹھی سے نو منتخب رکن پارلیمنٹ کشوری لال شرما ائندہ کل بتاریخ 11 جون رائے بریلی اور امیٹھی کا کریں گے دورہ۔ گاندھی خاندان دونوں اضلاع کے لوگوں کو ایک جگہ جمع کرکے کارنگریس کی جیت پر اظہار تشکر کرتے ہوئے اپنی محبت کا اظہار کریں گے، واضح رہے کہ 1952 سے 2024 تک گاندھی خاندان کے کچھ لوگ رائے بریلی اور امیٹھی سے لڑتے اور جیتتے آرہے ہیں۔ 2019 میں امیٹھی میں راہول گاندھی کی مرکزی وزیر اسمرتی ایرانی سے شکست کے بعد دونوں اضلاع میں گاندھی خاندان کے دورے کم ہوگئے تھے یہی وجہ رہی کہ اس لوک سبھا الیکشن میں نامزدگی کے آخری دن تک یہ فیصلہ نہیں ہوسکا تھا کہ گاندھی خاندان کا کوئی فرد ان اضلاع سے الیکشن لڑے گا یا نہیں، آخری وقت میں راہول گاندھی کو رائے بریلی سے اور سونیا گاندھی کے نمائندے کے ایل شرما کو امیٹھی سے میدان میں اتارا گیا، اس بار 2024 لوک سبھا انتخاب میں دونوں سیٹوں پر کانگریس کی تاریخی جیت نے ایک بار پھر مقامی لوگوں کے تئیں گاندھی خاندان کا لگاؤ بڑھا دیاہے یہی وجہ ہے کہ گاندھی خاندان کل دونوں اضلاع سے تاریخی جیت پر عوام کے ساتھ کانگریس عہدیداروں اور کارکنوں سے اظہار تشکر کرنے جارہا ہے۔