پیرس پیرالمپکس میں ہندوستانی کھلاڑیوں کی شاندار کارکردگی کا سلسلہ جاری ہے۔ اس دوران پراوین کمار نے مردوں کے ہائی جمپ فائنل مقابلہ میں شاندار کارکردگی کے ذریعہ گولڈ میڈل حاصل کیا۔ اس شاندار کامیابی پر پراوین کمار نے کہاکہ میرے پاس اپنی خوشی کا اظہار کرنے کیلئے الفاظ نہیں ہیں۔ انہوں نے کہاکہ میں اس جیت کو اپنی ٹیم۔ اپنے ملک اور اپنے والدین کے نام کرنا چاہتا ہوں۔ انہوں نے کہاکہ میں پچھلے تین سالوں سے اس لمحے کا انتظار کررہا تھا۔
اس کے ساتھ ہی پروین نے علاقائی اور ایشیائی ریکارڈ بھی بنائے۔ اس تمغے کے ساتھ ہی پیرا اولمپک گیمز میں ہندوستان کے تمغوں کی تعداد بڑھ کر 26 ہو گئی ہے۔