مدھیہ پردیش کے گنا سے بی جے پی رکن اسمبلی پنّالال شاکیہ نے ایک حیرت انگیز بیان دے کر سبھی کو حیران کر دیا ہے۔
بی جے پی ایم ایل اے پنّالال شاکیہ نے طلباء کو نصیحت کرتے ہوۓ کہا کہ صرف ڈگریوں سے کوئی فائدہ نہیں ہوگا، ہو سکے تو پنکچر کی دکان کھول لیں۔
بتا دیں کہ بھارتیہ جنتا پارٹی کے ایم ایل اے پنالال شاکیہ نے یہ بیان اس وقت دیا جب وہ وزیر اعظم کالج آف ایکسیلنس کی افتتاحی تقریب سے خطاب کر رہے تھے۔ جہاں انہوں نے طلباء سے خطاب کرتے ہوئے کہا کہ کالج کی ڈگری آپ کے کام نہیں آئے گی، موٹر سائیکل پنکچرکی دکان کھولیں تاکہ آپ اپنی زندگی گزار سکیں۔
پنّالال شاکیہ نے اپنے خیالات پیش کرتے ہوئے کہا کہ میں جو کچھ بھی کہوں گا وہ سائنس اور ریاضی کے فارمولوں پر مبنی ہوگا، لہذا براہ کرم سمجھیں۔ یہ کالج اور تعلیمی ادارے کمپریسر ہاؤس نہیں ہیں۔ جس میں ڈگری کے مطابق ہوا بھری جاۓ اور وہ سند لے کر چلے جائیں۔ درحقیقت تعلیمی ادارے وہ ہیں، جن کے ڈھائی حرف پڑھے تو پنڈت ہے، پوتی پڑھی جائے، جگموا پنڈت بھیا نہ کوئی۔
انہوں نے مزید کہا کہ ایک نالندہ یونیورسٹی تھی،جو معروف تعلیم کے لیے مشہور ہیں۔ اس وقت 12 ہزار طلباء اور 1200 پرنسپل تھے۔11 لوگوں نے یونیورسٹی کو جلا دیا تھا۔ 12 ہزار صرف یہی سوچتا رہا کہ میں اکیلا کیا کروں گا۔ بھارت کا علم ختم ہو گیا۔ سب سے پہلے تو ان پانچ عناصر کو بچانے کی پوری کوشش کریں جن سے ہمارا جسم بنا ہے یعنی پانی، ہوا، آگ، آسمان، زمین،
پنّالال شاکیہ نے ماحولیات پر اپنے خطاب میں کہا کہ دریاؤں اور نالے سب پر ناجائز قبضہ کیا گیا ہے، سرکاری زمینوں پر قبضہ کیا گیا ہے۔ چرنوئی کی اراضی پر قبضہ کیا گیا ہے۔ کیا ہم اتنے بھوکے ہو گئے ہیں؟ اس سطح پر ہم نے ماحول کو آلودہ کر دیا گیا ہے۔ آج ہم پردھان منتری شریستھا مہاودیالیہ کا افتتاح کر رہے ہیں۔ جس پر میں آپ سب سے گزارش کرتا ہوں کہ صرف ایک معنی خیز جملہ پکڑیں۔ اس کالج کی ڈگری سے کچھ نہیں ہو گا۔ پنکچر کی دکان کھولیں، تاکہ کم از کم اپنی روزی کما سکیں۔ ہم پڑھائی کے بعد یہاں سے جا رہے ہیں،ہم نے درخت لگائے ہیں، انہیں پانی دینے والا کوئی نہیں۔اس لیے میں کہتا ہوں کہ براہ کرم ہندوستانی فلسفے کی طرف واپس آجائیں۔