تلنگانہ میں گروپ 3 کے امتحانات کا آغاز ہوگیا ہےجو دو دن تک جاری رہیں گے۔ آج پہلا امتحان صبح دس بجے شروع ہوا جو ساڑھے بارہ بجے تک جاری رہے گا ۔
امیدواروں کو صبح ساڑھے نو بجے کے بعد امتحانی مراکز میں داخلہ کی اجازت نہیں دی گئی۔
دوپہر کا امتحان تین بجے شروع ہوگا جو ساڑھے پانچ بجے تک جاری رہے گا۔ جی جی پی ایس سی حکام نے واضح کیاہے کہ امیدواروں کو ڈھائی بجے کے بعد امتحانی مراکز کے اندر داخلہ کی اجازت نہیں رہے گی۔
امیدواروں کیلئے کمیشن نے واضح کیاہے کہ امیدوار اپنے ساتھ سیاہ یا نیلے رنگ کا بال پوائنٹ پین اور اصل شناختی کارڈ رکھیں۔
عہدیداروں نے کہاکہ ہال ٹکٹ پر پاسپورٹ کی تازہ ترین تصویر چسپاں کی جائے جبکہ یہ تصویر 3 ماہ سے زیادہ پرانی نہیں ہونی چاہئے۔
اس کے علاوہ کمیشن نے نتائج آنے اور بھرتی مکمل ہونے تک سوالیہ پرچے اور ہال ٹکٹس کو محفوظ رکھنے کا مشورہ دیا۔ ادھر دوسری جانب امتحانات کے انعقاد کیلئے سیکوریٹی کے بھی مناسب انتظامات کئے گئے ہیں۔